丁子朗四度提名男飛躍 森美幫手拉票變倒米

大家睇好邊位呢？

無綫一年一度盛事《萬千星輝頒獎典禮2021》將於本周日（1月2日）假電視廣播城隆重舉行。今年頒獎禮加入不少新元素，除了提前選出五強名單、在頒獎禮當日新增由現場傳媒投票選出的「最佳衣著藝人」外，一眾五強候選人早前更齊齊著靚靚為頒獎禮拍攝場刊，眾人更分別接受了無綫娛樂新聞台及東張西望專訪，大談賽前感受及心水得獎人。

今年「飛躍進步男藝員」獎競爭相當激烈，由於出現同分關係，最終有六名候選人殺入五強，分別為林正峰、羅天宇、馬貫東、丁子朗、黃庭鋒及胡鴻鈞。當中丁子朗已是第四度提名，對此入圍最佳男主持的前輩森美似乎比子朗更為肉緊，更搞笑幫忙拉票謂：「佢已經飛躍咗好多年，如果要提名第五次嘅話，我就決定離開娛樂圈。」此話一出，即嚇窒子朗，森美見狀即搞笑「更正」謂：「我代你講啫，關我咩事啫？！我勸你離開娛樂圈咋。」

至於子朗則坦言「非常開心畀公司見到我仲係進步緊」，並與展鵬一樣、接受無綫娛樂新聞台訪問時，順道宣傳將於下年一月播出的新劇《青春不要臉》：「比起有冇信心，我更加興奮係《青春不要臉》1月17日播出喇，係我自己第一套擔正。」

同樣非首次入圍男飛躍的羅天宇則笑言「唔敢多諗」：「上年好多晚都瞓唔到，好緊張，因為都幾飛躍吓，由唔係好重嘅角色去到《香港愛情故事》。我覺得今年胡生好大機會，佢喺《十月初五》嘅付出真係大家都睇到。」

而一眾女飛躍候選人則明顯較佛系，除了落力「食花生」揀心水，亦有人瞄準「最佳衣著藝人」發力。佛系JW笑指自己「零緊張」：「有提名已經贏咗，因為我真係冇可能會贏。我《痞子殿下》同陳瀅合作，當然會支持陳瀅，我亦都見到姜麗文都好犀利，佢一路都好勤力，好into演戲同埋好鍾意唱歌。」

銳意挑戰最佳衣著藝人的陳瀅，笑指當前急務是減五磅：「我造型師就叫我減五磅先，我就話聖誕喎…但我到依家都未有任何成績…」王敏奕則似乎對一切獎項隨緣：「我著衫好麻煩，又怕凍又怕走光，最緊要係舒服同遮弱點。」

首度擔任主持即入圍最佳男主持的鄭子誠，笑言是夢想成真：「我初初入嚟公司時成日諗，我係想做主持嘅，但嗰時一開始就拍劇，仲要做無限衰嘅衰人，咁冇乜幾何會見到一個奸仔做主持架嘛，所以嗰時我就放棄咗（做主持夢想）。」他又笑言當得悉殺入五強時，還以為是被整蠱。

而憑話題綜藝節目《思家大戰》殺入男主持五強的李思捷，則既謙虛又搞笑謂：「Patrick佢哋係Live主持，執生能力好緊要，因為佢哋係報道資訊性嘅嘢，唔可以錯，但我就可以錯，因為錯咗可以剪走。」

至於殺入女主持五強的譚玉瑛，談到自主持《童你一起長大了》後、街上經常遇到觀眾表示支持，她笑謂：「我哋做節目出嚟畀觀眾睇，如果佢哋睇得開心，即係我哋做得好啦！」

另外，同時入圍飛躍及最受歡迎電視拍檔的林正峰及游嘉欣，雖然在工作上合作無間，但私下其實經常鬥嘴，故對於入圍「最受歡迎電視拍檔」感到難以置信：「真係唔明，可能大家鍾意睇我哋鬥嘴啦。」

丁子朗近日分享了兩張手持電話的宣傳照，惹來外貌再進化疑雲。

26歲的丁子朗於2016年參選港男入行，加入TVB以來一直受力捧，但自他參加《亞洲超星團》以來，一改以往陽光大男孩的形象，妝容及髮色便經常成為網民討論的焦點，雖然日前參加盛勁為與麥明詩的婚禮時，他已染回黑頭髮及不再化濃妝，回復參賽前的模樣，但之後他分享了兩張手持電話的照片，卻令他的外貌再度備受關注。

丁子朗早參加《亞洲超星團》，但造型照一公開，網民已不太接受。

之後再染了金髮。

令他的外表經常成為網民討論的焦點。

丁子朗日前參加盛勁為與麥明詩的婚禮時已染回黑頭髮及不再化濃妝。

回復參賽前的模樣。

丁子朗在IG貼出兩張手持電話的照片，並發文為手機品牌宣傳，相中可見他五官精緻不少，雙眼炯炯有神，而且鼻子更又高又挺，其中一張更見到他的食指又幼又長，疑似P圖過度，相當詭異！

側面認唔出。

手指被P圖P到好長。

不少看過照片的網民都表示認不出是丁子朗，紛紛留言：「點解又唔同咗樣」、「你是誰？ 除咗整咗個鼻。應該仲整其他嘢。而家個側面完全唔識佢」、「我唔討厭丁丁，但希望外貌唔好再進化，再靚仔又如何？都唔係最真嘅你」、「專心工作，唔好再整個樣啦」、「係唔係我錯覺，個樣又進化咗？同出租家人個樣差好遠」、「而家個側面完全唔識佢」、「AI樣嚟嘅？」但也認為丁子朗樣貌改變只是化妝的功效，「點會係整容，最多都係化妝技術超強，唔好睇小化妝嘅威力」。