傳五年情告終 Jer女友出Po有弦外之音：我知道真相咪得囉！

MIRROR成員，好唱得的柳應廷（Jer）與女友Kelly拍拖5年一直恩愛，不過早前傳出情變，先係Kelly取消關注Jer的IG，又刪取所有跟Jer的合照，不過Jer出席活動時否認分手，表示兩人仍係情侶，並稱會努力0氹返女友。《造星IV》決賽前突傳出Jer已取消關注女友的IG，五年情告終。

資料圖片

當時有指兩人分手主要原因是Jer為《全民造星IV》擔任25強導師時被22歲，有翻版朱茵之稱的參賽者許寶恆（Alice）姣媾，正印Kelly驚訝男友唔識拒絕之餘仲非常受落因而嬲爆分手。

傳Alice力追阿Jer。

新聞一出，Jer即出Po否認，又指跟Kelly正處於冷靜狀態，而Alice亦強調同Jer私下無聯絡。尋日大除夕，Kelly Po咗張貓貓相到IG Story，配文非常可圈可點。

Kelly影咗成堆威士忌樽。

「2021揭露人類真本性

恨恨地被打倒地上，上天再一次叫醒我學識勇於面對、接受、放下、改變。

貓:我知道真相咪得囉!」

未情變前，Kelly嘅IG有好多同Jer嘅合照。

而Kelly亦去咗朋友屋企倒數，佢影咗一堆威士忌酒樽嘅相，相信佢都飲唔少，唔知佢有無睇MIRROR個倒數Show呢?

Jer女友大除夕出Po有弦外之音 借貓講嘢我知道真相咪得囉

Jer柳應廷高唱我行我素走我路！

由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。

柳應廷（Jer） 以怪誕造型拍新歌《筆觸男孩憂鬱之死》MV。

Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。

受導演添布頓影響。

堅持創作信念。

所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。

新歌高唱我行我素走我路。

既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」

Jer帶大家走入怪異世界。

添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」

Jer以怪誕造型演出。