Jer表示：「好想多謝MIRROR每一位兄弟」。
MIRROR成員，29歲柳應廷（Jer）因為唱得深受歌迷歡迎，個人IG擁有32.7萬Followers。去年橫掃樂壇新人金獎的金Jer今年憑《狂人日記》在《2021年度叱咤樂壇流行榜頒獎典禮》獲頒「專業推介叱咤十大：第六位」，成績非常之好。
觀看相關影片按連結：https://youtu.be/sSDa4hwP1tM
金Jer在IG分享多張在叱咤頒獎台演唱《狂人日記》的照片及回顧一年所發生的點滴發表答謝文，感謝生於這城市的自己，「很愛這地方，大家要重新振作~」又多謝曾經討論MIRROR的每一位，讓大家再次留意香港樂壇，亦開心見到重新投資「本地新晉音樂人」的公司們。「今年其實多咗好多新人，live show大家都會入場睇同支持好開心!!」
Jer最後寫上：「好想多謝MIRROR每一位兄弟，教識我咩係表演，仲同我係亂流中一齊走過，我愛你哋。香港樂壇一定會愈黎愈好，我哋做嘅作品、做嘅表演一定可以再次踏上世界舞台。」
阿Jer由選擇出道一刻，已選擇面對洪流唔會退縮。
Jer希望大家留意更多不同的音樂創作單位。
Jer表示廣東歌一定可以再次踏上世界舞台。
阿Jer好多謝一班好兄弟教識佢咩係表演。
Jer柳應廷高唱我行我素走我路！
由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。
柳應廷（Jer） 以怪誕造型拍新歌《筆觸男孩憂鬱之死》MV。
Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。
受導演添布頓影響。
堅持創作信念。
所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。
新歌高唱我行我素走我路。
既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」
Jer帶大家走入怪異世界。
添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」
Jer以怪誕造型演出。
