為《衰神》獻出四個第一次 許俊豪MK仔升呢邪氣靚仔

Lincoln嘅眼神真係好恐怖。

《愛上我的衰神》轉眼來到結局周，各大小故事線真相愈揭愈多，殺死主角小渝的兇手亦終現真身，他是小渝中學美術老師哲人（許俊豪Lincoln飾）。Lincoln是次角色「表面斯文、內裏陰沉」，相當難演；而昨晚（4日）Lincoln突然發狂兼追殺學生版小渝（區明妙飾）一幕，其兇狠眼神更讓網民看得心慌慌：「個眼神好恐怖呀！」、「拍同演都好逼真」。

觀看相關影片按連結：https://youtu.be/1eePCzQ2WPM

雖然角色如此瘋狂，但網民卻紛紛被其顏值迷倒：「演阿Sir個男仔幾靚仔，以前好MK」、「有韓劇男主Feel」、「肌肉線條好」、「微微笑個樣有少少變態，令人心寒」、「身型幾好幾高大」、「好有說服力點解學生妹鍾意佢」、「覺得佢戴眼鏡嗰幕仲加分咗」。

許俊豪獲大讚靚仔。

他與區明妙的「師生戀」，獲大讚浪漫，成功演繹出如沐春風的感覺。

網民指戴了眼鏡的Lincoln更有氣質。

談到角色冧倒不少網民，Lincoln受訪時坦言開心，並透露為了角色付出了四個第一次：「今次係我簽咗無綫之後首次演咁重要嘅角色，都好難忘架，因為我獻出咗螢幕初吻、第一次除衫、第一次拍好激嘅打戲、同埋第一次做奸角。」

Lincoln話佢喺屋企都有不斷苦練「陰沉感笑容」及「邪氣眼」。

雖然晒肌戲只有短短數秒，但Lincoln卻因而操練及節食了個多月。

Lincoln又笑指為了「成魔」，看了不少驚慄電影及劇集：「我覺得個角色表面睇落愈冇嘢，出嚟效果會愈恐怖，所以拍嗰時，我好多時係內心諗住邪惡嘢，但另一方面就諗辦法壓抑嗰種嚟自邪惡嘅興奮。」聽落都相當考功力。

Lincoln呢個表情真係睇見都心寒。

Lincoln呢個眼神，好駭人。

網民話呢一幕拍得超乎想像地逼真。

鏡頭前功架十足的Lincoln。

鏡頭後卻與少女心的區明妙玩作一團，足證拍攝團隊相處愉快融洽。

許俊豪獲網民封為「絕世暖男張醫師」，還指他似「靚版laughing哥」，足見Hunter一角十分入屋。

由方駿釗（嘟嘟）監製、黎倩儀編審的《農本方25周年呈獻：你好，我的大夫》，本周一至五晚8點半翡翠台播出結局周。

昨晚（10月9日）劇情講述自六君子醫舍結業後，嘉應（蔡思貝飾）與清勁（何廣沛飾）感情發展似乎告一段落，Hunter（許俊豪Lincoln飾）亦正式發功直球示愛，並自揭暗戀嘉應14年真相。14年前Hunter因父親破產由少爺仔變成打工仔，靠任職流動中醫幫補家計的他、全靠嘉應的照顧及照應才逐步邁向成功。被嘉應善良深深打動的Hunter，之前因一直有感嘉應放不下清勁，為成全愛人之美才等足十多年未有示愛；隨著六君子結業，Hunter有感「應勁」復合無望，終鼓起勇氣直接表白：「我知你一直都冇諗我，唔緊要，我希望你依家開始諗吓我。」眼見口花花的Hunter轉玩深情Tone，嘉應亦似乎備受打動，並在沙灘寫字向張醫師送上生日祝福，莫非嘉應最終真的情歸Hunter？

盤點浪漫場口：電單車河

Hunter對嘉應嘅感情，喺14年前已經萌芽。

全因嘉應心地善良，喺各方面都好盡心盡力咁幫忙當時低潮嘅Hunter。

呢幕表白戲，配埋個靚景，有Feel。

口花花Style嘅Hunter，突然轉玩情深路線，搞到嘉應都有啲招架唔住。

為投入角色刻意與思貝保持距離 自薦自彈自唱氹嘉應
昨晚Hunter及嘉應極盡浪漫能事，包括遊電單車河、海邊談心及沙灘嬉水等，Hunter稍後集數更會行動升級，自彈自唱情歌氹嘉應入睡，據知該幕浪漫戲碼更是Lincoln向監製自薦：「收到劇本後我有同監製商量到底有咩浪漫嘅事會令嘉應感動，我當時話自己學過結他同鋼琴，最後我哋就揀咗自彈自唱結他氹嘉應瞓覺。首歌係監製揀嘅，我就要花啲時間去練前奏，因為始終揼低咗一段時間。」Lincoln又謂與思貝在互動場口上有不少小心思，以加強角色說服力，包括刻意保持距離：「例如電單車戲或者沙灘談心戲，大家都可以留意到我哋嘅肢體語言係點到即止嘅，都係我捉吓佢手踭或者佢搭吓我膊頭，主要想表達角色嘅戀人未滿關係，同埋我對佢嗰種純純嘅愛。」其實嘉應與清勁及Hunter的三角戀，自上周起在網絡引發不少熱討，由於清勁性格太戇直又離地，大部分網民均支持Hunter抱得美人歸，更封他為「絕世暖男張醫師」：「加油，希望早日征服嘉應」、「嘉應應該揀張醫師」，另還有網民指Lincoln似「靚版laughing哥」，足見Hunter一角十分入屋。

盤點浪漫場口：沙灘嬉水

盤點浪漫場口：沙灘寫字賀壽

蔡思貝呢個樣好嬌俏！

到底Hunter同嘉應最終能否眾望所歸、成為一對？

嚟緊Hunter會行動升級、冧爆彈結他氹嘉應瞓覺覺豬，萬勿錯過。

到底Patrick Sir係咪真係有古怪呢？

Patrick Sir被指取代爛賭發成為「新一代賤人」。

之前曾憑不同個案引發迴響的《大夫》，這周將再有兩大病患及事故個案貫穿整周劇情。昨晚率先發生的個案是鍾展祥（曾健明飾）因右腦中風入院，為了改善其左側偏癱問題，祥兒子（林溥來Patrick Sir飾）參與了中西醫協作計劃，並要求嘉應（蔡思貝飾）即日為父親針炙。同日展祥突然心臟病發，方醫生（鍾采浠飾）搶救無效。展祥離世後，祥兒子大怒並將矛頭直指嘉應，令剛轉投政府診所不久的嘉應停薪留職之餘，事件最終鬧上法庭，嘉應需獨力應付祥兒子的指控及方醫生的夾擊…個案亮點是雖然Patrick Sir角色看似對父親照顧有加，但由於明顯未有理會父親感受，遭網民直指相當有問題，並笑言要報《東張西望》：「以後唔睇Patrick Sir，取代爛賭發做新一代賤人，Patrick Sir壞人黎架，報東張！」、「Patrick Sir好似有問題，佢老豆嘅反應都怪怪地」、「睇眉頭眼額已覺得係奸」。除了Patrick Sir，昨晚客串演出的黎彼得、戴祖儀及陳榮峻亦引發不少討論；據知稍後再有一名超強綠葉客串做彩蛋飾演露宿者，萬勿錯過。

對於方醫師再度發功，今次仲要針對嘉應。

網民都睇到好肉緊。

昨晚一集登場客串藝人：戴祖儀

昨晚一集登場客串藝人：黎彼得

昨晚一集登場客串藝人：陳榮峻