傳跟保錡一年情玩完 張沛樂搵朋友陪食狂呻大壓力

唔知沙律有邊方面嘅壓力呢？

張沛樂（沙律）同ERROR成員吳保錡（保錡）2019年尾被踢爆拍拖，有指男方背模特兒女友賴嘉賢（Carrie）搭上沙律，之後保錡爆粗鬧Fans加上疑流出「食女」錄音等新聞，男方自知「易燃」兩人都戀得低調。沙律去年10月度過30歲生日，保錡仲自爆準備神秘節目為女友慶祝，非常恩愛。

去年10月，沙律加入ViuTV，以為她與男友保錡將來會有合作，現在看來機會不大了。

Carrie曾大爆保錡未分手就搭上其他女仔，直指他偷食。

沙律同保錡2019年底被爆拍拖，近日傳出已分手。

沙律同保錡疑似情海翻波，前者刪除IG上與保錡的合照，發文更意有所指：「過去就不想了，希望新一年能遇到更好的人和事。」而保錡就刪剩2張與沙律的合照。日前男方出席叱咤頒獎禮，問及分手一事即落閘表示：「感情事唔方便回應。」其實去到分手呢步又豈會是三兩日的事，難怪早排撞到沙律行街心情都咁差啦！

保錡在份去吒咤坐，提到分手，佢話感情事唔回應。

沙律告別2021年第一步竟然係刪除與保錡的合照，發文又意有所指。

沙律仲有保留上年生日保錡為她慶生的貼文。

沙律推出新寫真集，呢期喺IG狂宣傳，不斷提Fans預購。

早前，沙律與友人銅鑼灣行街食飯，她手上已拎住個瑞士名牌廚具品牌購物袋，相信是剛剛在附近的分店Shopping完。這個品牌除了有家電也有食譜和廚具，未知沙律是否想增進廚藝呢？不過得益人應該就冇保錡份嘞！

沙律手持瑞士名牌廚具購物袋行街，睇嚟想增進廚藝，下任男友有福嘞！

沙律同朋友晚餐去食上海菜，全程傾唔停，記者仲聽到沙律都幾大聲講咗句：「都幾大壓力！」可能呻緊同保錡嘅感情問題，傾到連電話都冇時間拎上手睇，沙律中途離開座位去洗手間，先拎出電話覆吓訊息。埋單走人都唔願走，喺銅鑼灣兜嚟兜去繼續傾，睇嚟沙律真係好多心事要講喎！

同朋友食上海菜全程雞啄唔斷，沙律仲呻咗句：「都幾大壓力！」

傾到去洗手間中途先得閒拎出手機望兩眼。

Doniven與女友沙律共築愛巢，新居遷入不足一個月。

逢周四晚10點J2（82 台）播映的清談節目《不正常愛情研究所》，上周已圓滿播映完畢。緊接3集將播出「番外篇」，各主持跳出錄影廠，到訪各主持的家居，揭開他們「behind the scene」私人一面。

Karen與Jojo探訪Doniven的新居。

Doniven放梳化的位置，是全屋最好風水的天醫位。

今晚（4日）一集《不正常愛情研究所》「番外篇」，黃紫恩（Jojo）與胡敏芝（Karen）將走訪陳國麟（Doniven）屋企，揭開他不為人知的一面。Doniven跟女友張沛樂（沙律）拍拖接近半年，去年聖誕各自在網上貼相放閃，宣示主權。而Doniven亦與沙律共築愛巢，新居遷入不足一個月。Doniven跟過風水師蘇民峰學習風水命理，一入屋他就跟二位女仕介紹，各人就座的地方為全屋風水最好的地方，他自豪表示︰「呢個係天醫位，有財又有助姻緣，平時同女朋友就坐係度睇電視。」講到得意忘形的Doniven，開始大數女朋友「罪狀」，他自爆先是砌傢俬嘈交，最後要自己完成︰「好多嘢唔識，又覺得自己好叻，掛衫勾又整到鬼死咁高，話靚喎。而家每次攞衫都要伸直隻手。」

Doniven在大廳放了媽咪及妹妹的照片。

Doniven在家居擺了風水陣。

衣帽間大部份都是Doniven的衣服。

到參觀主人房時，Jojo非常欣賞睡床猛讚好舒服，更即場試彈力，感覺非常滿意。二位女仕又發覺Doniven將與女友的自畫像放在床尾，他解釋︰「放床尾可以成日見到大家囉，是但一個出咗去，只要瞓喺張床，就可以見到大家。」聽落都非常甜蜜。之後Jojo又發現一張寄給沙律的名信片，並讀出內容「老老，我在日本努力工作中，但每分每秒都好掛住你呀！等我返嚟呀！Love you」到底「老老」隱含甚麼密碼？密切留意今晚節目播映，不容錯過。

Jojo及Karen大讚睡床好彈力夠舒服。

床尾放了Doniven跟沙律的畫像，原來有特別意思。

Doniven在日本寄給女友的名信片暗含密碼。

Doniven接受訪問時表示母親已見過女友沙律，表示非常滿意，他說︰「媽咪話okay呀，幾好。」被問到是否已到談婚論嫁階段時，Doniven表示言之尚早︰「當然未啦，暫時相處下了解吓先。」

去年Doniven跟沙律在網上放閃。

又到泰國旅行。