劉俊謙指張家輝好錫他，更將他當成朋友。
劉俊謙在保險廣告中半裸上身拍攝跳舞場面，他表示由於正拍攝《九龍城寨．圍城》都要減肥，所以拍攝前也不用刻意再操，稍後都要繼續拍攝《九》。雖然《九》有不少動作場面，但他指最辛苦是拍通宵，笑指深夜拍攝反應慢易生意外，幸而暫時都未有受傷。問到疫情可有影響拍攝？他表示暫未有影響，強調劇組會做足防疫措施。
早前更與與鄭欣宜一起拍保險廣告。
欣宜與劉俊謙出席為保險公司拍廣告的宣傳活動。
劉俊謙將與張家輝將合作新戲，他稱仍在籌備中，但不時與家輝有聯絡，早幾日更在街上撞到傾閒偈。問到是否不用打？他說：「應該不用打，但也不代表會舒服，文戲的感情戲都辛苦的。我都好期待和家輝哥合作，他好錫我，成日都好想了解我，不是長輩式的關心，當我是朋友，所以無感到壓力，似兩個男人傾心事。（題材是甚麼？）是相對嚴肅的題材，不是hehe，所以不是嘻嘻哈哈。」至於是否與家輝有對手戲？劉俊謙就保持神秘，笑言到時大家會有驚喜。
劉俊謙在《九龍城寨．圍城》中與洪金寶、古天樂、任賢齊等猛人合作。
劉俊謙指張家輝好錫他，不是長輩式的關心，而是將他當成朋友。
劉俊謙亦表示幾欣賞雲浩影，更大讚：「佢把聲有種清泉嘅感覺，當時歌唱比賽聽已經覺得呢個女仔係清泉。」
雲浩影（Cloud）新歌《慢性分手》MV由去年金像獎最佳剪接李謙明執導，更邀請港台兩地炙手可熱的劉俊謙擔任男主角，故事以一張梳化見證他們由熱戀到分手。最初他們開展同居生活，合力將梳化搬入屋，非常合拍，劉俊謙躺在Cloud大髀上的枕頭溫馨細語、拖手仔一齊聽音樂、在露台打情罵俏、互相偷拍對方生活照等，四周瀰漫著浪漫氣氛。之後感情轉淡，甚至決定分手，火燒梳化以結束關係，他們看著愛情灰飛煙滅，Cloud心痛得泣不成聲。
雲浩影新歌《慢性分手》MV邀請港台兩地炙手可熱的劉俊謙擔任男主角。
故事以一張梳化見證他們由熱戀到分手。
劉俊謙躺在Cloud大髀上的枕頭溫馨細語。
互相偷拍對方
之後感情轉淡，決定分手，火燒梳化以結束關係。
他們合力將象徵愛情的梳化搬走，路上明顯非常不協調，一個快一個慢，一個行一個停，甚至輪流發脾氣。但最後看著火光，愛情化為灰燼，他們都非常傷心。劉俊謙說：「呢對情侶要結束關係，梳化似係一個比喻，將大家嘅東西拖去燒咗佢，一齊搬，好辛苦、好吃力，有一方繼續想搬，有一方好攰唔想搬，拖拖拉拉，比喻情侶難免步入呢個關係。」Cloud說：「梳化喺呢個MV好有象徵意義嘅角色，兩個人搬入新居時傾吓張梳化擺喺邊，然後喺梳化上發生好多甜蜜溫馨嘅回憶，到最尾決定用唔到要丟咗佢，都象徵一段關係唔同嘅階段。搬梳化嘅過程會見到男女雙方步伐不一致、鬥氣、互相不體諒等狀況。」
二人合力將象徵愛情的梳化搬走，路上明顯非常不協調。
最後看著火光，愛情化為灰燼。
Cloud更心痛得泣不成聲。
Cloud更心痛得泣不成聲。
二人都非常傷心。
雖然MV結局非常傷感，但Cloud被型男劉俊謙的笑話氹得笑逐顏開，她說：「《慢性分手》呢首歌講述一對長期戀愛嘅男女，關係慢慢走到結束，比較傷感嘅MV，但因為有劉俊謙參與就變得唔係咁傷感。」點解呢？劉俊謙笑說：「本身我同Cloud唔係好熟，拍攝時諗住打開話匣子，講咗好多唔係幾好笑嘅笑話⋯⋯」Cloud立即安慰說：「其實都幾好笑嘅，大家都笑得出，同事仲叫我做好表情管理添！」續說：「阿謙好Nice好親切，最初我有少少緊張同埋怕羞，但佢好主動令到氣氛都冇咁尷尬，所以拍攝順利。」
雖然MV結局非常傷感，但Cloud被劉俊謙的笑話氹得笑逐顏開。
Cloud又大讚劉俊謙好Nice好親切。
令Cloud最開心的相信是劉俊謙踢爆父母是「迷雲黨」（Cloud歌迷暱稱），他說：「我爸爸媽媽好鍾意佢，當年歌唱比賽嘅時候，我哋全家人一齊睇佢唱歌。」Cloud受寵若驚，連聲多謝。他說：「我好耐冇喺香港拍MV，好榮幸可以參與拍攝，我自己都幾欣賞Cloud，佢把聲有種清泉嘅感覺，當時歌唱比賽聽已經覺得呢個女仔係清泉。」被當面稱讚，Cloud坦言尷尬。「劉俊謙好紳士、好體貼、好靚仔，拍攝時我都忍唔住同佢講：你真係好靚仔！不過，大家有無留意其實佢把聲好好聽呀！」
劉俊謙踢爆父母是「迷雲黨」。
劉俊謙指當年Cloud參加歌唱比賽時，全家人都一齊睇。
之前Cloud《回憶半分鐘》MV邀請日本靚仔合作，今次《慢性分手》MV有香港靚仔劉俊謙，下次Cloud想與哪個地方的靚仔合作MV呢？她想了一想，說：「法國，其實想同法國靚仔合作之外，最想去法國拍好浪漫嘅MV，話唔定會有啲犀利嘅嘢出現。」
觀看相關影片按連結：https://youtu.be/VHt8upfvSQ8?si=hzOokDVxFyLbou2W
