不少人喜歡沖涼時放聲高歌，惟對鄰居卻造成滋擾。大埔太和邨一名街坊於社交網投訴，指邨內一名男子習慣於凌晨時分邊洗澡邊唱歌，雖然歌喉已有所進步，但始終造成不少困擾，希望對方能將音量收細，帖文引起網民熱論，一名疑似當事人更留言致歉，稱「我聽晚開始會細聲啲」。
設計圖片
該名街坊於facebook群組「大埔 TAI PO」發文，稱同邨一名男子每日準時於凌晨1時30分，在洗澡時大聲高歌，開初曾唱了半個月曾比特（Mike）的《我不如》，直至近日開始改唱MC（張天賦）的《記憶棉》。樓主稱讚該名鄰居的唱功有進步，「一開始走音，到而家進步咗好多」，惟在深宵時分，希望對方可以盡量降低聲音，以免打擾其他住客。
設計圖片
帖文引起網民的熱論，有網民笑言，「下次同佢喺廁所合唱」、「下次你點唱啦，唔好嘥咗呢個機會」、「有無得點歌？」；亦有網民分享類似的經驗，「都好過我鄰居，鍾意唱歌劇」、「我樓下個女人晚晚一點唱國語山歌，唱咗一年都仲好似喊驚咁」、「屋企附近每逢假日都會有人唱k，佢每次都會唱《玉蝴蝶》，好想話佢知唱快咗」。
設計圖片
其後一名疑似當事人亦留言向樓主道歉，並指「我聽晚開始會細聲啲，慣咗收夜，唔好意思」，他又透露最近打算改唱MIRROR成員Edan（呂爵安）的《E先生連環不幸事件》，希望樓主不要介意。
鄰居每晚半夜沖涼高歌，惹住客不滿。網圖
資料來源：大埔 TAI PO
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
