6膠搞鬼拍《膠戰》主題曲MV 魯庭暉讚台前幕後效率高

好好笑！

由呂爵安（Edan）、岑珈其、魏浚笙（Jeffrey）、徐浩昌（肥腸）、黃正宜（阿正）及劉沛蘅（Hillary）主持的ViuTV《膠戰S2》已接近尾聲，而在昨晚（9日）的一集中不但首播節目主題曲《膠On》的MV，更播出主題曲的製作過程，包括請來MIRROR御用歌曲監製之一Edward Chan幫忙搞主題外，更為「6膠」試音，另外又請來填詞人Oscar為他們度身訂造歌詞，其中因Edan、阿正及岑珈其遊戲中勝出，因此可以加入他們要求寫的內容成為歌詞，如Edan要求加入「Edan世一」，另外岑珈其又要有他和家人的元素等。

觀看相關影片按連結：https://youtu.be/QJIB_TMI71o

主題曲歌名《膠On》，千萬唔好調轉頭讀。

一開始6膠全部穿上黑西裝，好有型。

各位爵屎，Edan係咪好靚仔呢？

但轉眼已經又嚟搞笑。

6膠齊齊戴頭套扮不同動物，冇錯，Edan又想咀Jeffrey。

鏡頭一轉，Jeffrey變成光頭仔，他仲為Edan剃光頭。

魯庭暉

此外，「6膠」亦要交出拍攝MV的計劃書，再由幕後人員審核是否採納使用，結果是把6人的構思一同用來拍攝MV，結果又有五色戰隊、光頭佬、扮動物等不同的橋段，十分搞笑。

再嚟他們又扮成五色戰隊，多了一位成員點算？

咪就係安排阿正去扮八爪魚怪獸。

最後光頭Jeffrey又變成街頭霸王跟自己對打，其實另一個係導演Albert。

笑死冇命賠......

而ViuTV高層魯庭暉原來也有收看到「6膠」構思的MV，節目後他在IG留言謂：「原本諗住到600萬（YouTube點擊）就考慮開第三季，不過既然阿正話會到6000萬….諗多陣先。係囉，點解會第二季就完先叫佢哋出歌嘅呢？其實製作團隊有冇瞓，我11月9號先同金生講，不如膠戰出主題曲好唔好？跟住兩個月就出到。你班友仔平時唔見咁responsive。得啦，叻喇。」

魯庭暉在IG留言大談《膠戰》主題曲。

呂爵安新mv自己有份構思。

呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。

呂爵安與創作團隊製作了一個很貼地、充滿港式情懷的MV

如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」

說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。

mv有不少Edan寫詩追女仔畫面

mv畫面截圖

mv畫面截圖

mv畫面截圖

Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」

Edan透露，其實自己過去都試過用類似方法追女仔

mv畫面截圖

因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」

MV裡，Edan變身成為了茶餐廳外賣仔，他喜歡了一個經常嗌外賣的女生

mv裡面有啲好可愛嘅畫面

青春又貼地嘅故事情節

其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」