與兩人妻爆緋聞無損心情 MC拍片自抽話超市有折

MC似乎唔介意做「超市KOL」。

樂壇新人王MC（張天賦）早前接連傳出緋聞，對象分別是Ash（鍾卓穎）及Santis（陳濬樺），兩位都曾經拍過MC單曲的MV，而且都被指同MC齊齊行過超市。前者Ash早前先宣佈同台灣老公阿龍離婚，要到今年5月離婚申請才正式生效，後者Santis就被傳是YouTuber熊仔頭的老婆，但二人不曾公開婚訊。接連被爆同「人妻」行超市，MC只認去年平安夜同過Ash行超市準備出席與友人的派對，但對於與Santis的緋聞，他本人沒有作出回應，其唱片公司亦只表示「沒有回應。」

新人王MC踏入新一年接連傳出兩單緋聞，有指兩位緋聞對象都係人妻。

Ash早前宣布離婚。

Ash同MC曾合作拍MV。

Santis是MC單曲《反對無效》的MV女主角，二人早前被爆行超市。

Santis是熊仔頭YT頻道的網紅，有指她是熊仔頭妻子。

第二單緋聞傳出後，由於網民又重新關注王力宏與李靚蕾離婚風波，加上當事人都冇王力宏和李靚蕾咁積極回應，好多網民都冇再關注MC嘅戀情嘞！不過，MC面對緋聞似乎無損心情，昨日（13日）更在IG限時動態上載行超市的影片抽自己水：「今日有折。」睇嚟完成唔介意被網民嘲笑佢係「超市KOL」呀！

MC仲識行超市抽自己水！完全唔介意被網民笑佢超市KOL。

MC張天賦透露籌備新碟時期，以為自己失聲、不能再唱歌，心情受好大影響，繼而選擇的曲風都比較沉重。

MC張天賦今日（3月12日）推出第三張個人大碟《TREBLE》。早前忙於拍攝電影的MC也不忘錄製新專輯保持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」一向輕鬆拿捏各種曲風的他亦有在新碟裡作出新嘗試，MC ：「今次新碟入面有收錄其中一隻我同我朋友一齊合作、較為Hit pop嘅國語歌，同是亦是收錄喺新碟裡嘅一首國語歌。」

MC張天賦推出第三張個人大碟《TREBLE》。

《TREBLE》專輯封面

新碟設計上設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞啦,因為當初我話呢隻碟喺陰暗啲、沉色啲嘅方向架啦，於是佢地就用咗「面具」去表達唔同人唔同嘅情緒。而家呢個造型喺我都幾鐘意，因為好少可會畫到咁深嘅眼影同個嘴唇咁黑，但係！嗰幾條頭髮喺非常拮眼，哈哈」

籌備新碟時期以為自己失聲！

早前忙於拍攝電影的MC，也不忘錄製新專輯保持一年一碟紀錄。

MC想到加拿大開演唱會。

問到MC今年的目標還有音樂及電影以外還有沒有想嘗試的東西?MC說今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除哂，但起碼有得揀先哈哈（現在有成果嗎?）而家係無住嘅。。。但係我都Keep咗（去做Gym）2-3個星期架啦。」至於事業他說暫時會專注於歌手及演員這兩個範疇，MC更說：「音樂方面我開始咗第一首完全喺自己作曲嘅歌曲，其實喺有幾首架，不過有一首就嚟推出，同埋今次為專輯或歌曲的前期準備都比之前多，所以希望大家拭目以待！

用面具表達不同情緒。

喑黑風格因遇低潮。

上一年MC首個紅館演唱會《This is MC》伸延至澳門最後回歸初心之地（文化中心），如果下次再開演唱會希望在哪裡舉行？MC想了又想說道：「去邊度開演唱會其實真係冇乜所謂，但係自己私心係想去加拿大開演唱會，因為自己畢竟係嗰度讀書，如果可以係嗰邊（開演唱會）都會好開心。」

希望除唔除衫有得揀！