網友叫佢做「吳教授」。
近日政府專家顧問、港大微生物學系講座教授袁國勇指Omicron變種病毒傳播力強,建議可戴兩個外科口罩,增加保護力及過濾能力。雖然即日已經澄清,所謂嘅戴兩個口罩,係一個外科口罩外加布口罩。
Anyway,袁教授嘅言論已在各大討論區加FB洗晒版,呢期為ViuTV主持《演員們》嘅吳肇軒都忍唔住出手,在IG上載一條去年八月拍攝的短片並寫上:「行得太前。」
影片中吳肇軒除低口罩,但除完仲有一個戴住。識睇當然睇留言,網民大讚「你永遠都走在潮流尖端」,又叫佢「吳教授」都幾好笑。
娛圈事
網友叫佢做「吳教授」。
近日政府專家顧問、港大微生物學系講座教授袁國勇指Omicron變種病毒傳播力強,建議可戴兩個外科口罩,增加保護力及過濾能力。雖然即日已經澄清,所謂嘅戴兩個口罩,係一個外科口罩外加布口罩。
Anyway,袁教授嘅言論已在各大討論區加FB洗晒版,呢期為ViuTV主持《演員們》嘅吳肇軒都忍唔住出手,在IG上載一條去年八月拍攝的短片並寫上:「行得太前。」
影片中吳肇軒除低口罩,但除完仲有一個戴住。識睇當然睇留言,網民大讚「你永遠都走在潮流尖端」,又叫佢「吳教授」都幾好笑。
吳肇軒在劇中不時要被人潑咖啡或掌摑!
由兩大「影壇新貴」吳肇軒、楊偲泳(Renci)合演的Viu Original本地原創劇《The Singleton呈獻: 轉角浣紗街》,日前已於「黃Viu煲劇平台」首播!劇集以「1/2 Café」為背景,講述飾演老闆娘的Renci在咖啡店首創配對服務,為客人牽紅線,而飾演「分手大師」的吳肇軒卻在店內經營「代理分手」生意,因而成為歡喜冤家;而現實生活中,吳肇軒與Renci亦同樣是歡喜冤家,拍攝期間,二人不時搞笑互窒,令開工氣氛倍添輕鬆。
拍攝氛圍幸福
吳肇軒與Renci在《轉角浣紗街》由歡喜冤家變成最終伴侶,Renci笑說:「六年前同吳肇軒合作過,佢經常都係做啲迷戀我嘅角色,冇辦法啦,我唯有接受。今次佢成日去我間舖度捕我,不過我哋係鬥氣冤家,反而劇中楊天宇先係迷戀我。」講到現場拍攝氣氛,Renci直言非常開心,因為拍攝現場不僅有冷氣,而且充斥陣陣濃烈的咖啡味,令人有精神幸福感覺,她表示:「本身鍾意飲咖啡,一日可以飲3、4杯,所以好神奇,拍攝環境有咖啡香味,特別精神,大家都感覺好幸福,就算唔使埋位,都鍾意留喺cafe度。」
遭掌摑小兒科
至於飾演「分手大師」的吳肇軒,因為要代人提出分手,在劇中不時要被人潑咖啡或掌摑,他笑言「小兒科」,還分享一件拍攝趣事:「有一場戲,講Renci喺幻想中用咖啡潑我,拍呢場戲之前,佢練習好耐,話要點樣潑我先令我最甘,結果拍嘅時候潑歪咗,淨係潑到我個身。楊偲泳學嘢喇,善良係會得到最後勝利!」
一連10集的Viu Original原創劇《轉角浣紗街》講述一個怕受傷害、寧願從不開始的女生,遇上認為痛過才算愛過的分手大師,在這小小的咖啡店裡,一同見證著眾生的愛情故事。 劇集逢星期五、六中午12時在「黃Viu煲劇平台」獨家上架,香港觀眾可以免費緊貼最新進度 。