KOLOR淺水灣演出延期待定好計劃再作安排

樂迷應該都會體諒。

樂隊KOLOR主音Sammy的太太盧巧音因第5波疫情，於本月初宣佈演唱會延期，怎料KOLOR亦同一命運，原定於本月22及23日在淺水灣The Pulse舉行的「KOLOR Fest」宣佈延期舉行：「各位朋友，因為防疫條例，大型活動會再延伸禁止14天，以致原定1月22及23日在淺水灣The Pulse 舉行的「KOLOR Fest」將會延期舉行。

因為需要多一點時間去處理和安排我們2022年較早前定下的計劃（唔係淨係呢個KOLOR Fest），所以確實日子會過多2星期，待其他計劃都待定好，我們會再公佈。所有買咗KOLOR Fest票的朋友，到時可決定是退票或是延續。對不起大家，我們盡咗力。但我們不會放棄！」

已有3、4年沒上台演出的子聰表示再踏舞台感覺開心！

久未露面的陳子聰聯同24味出席由AXA安盛贊助《The Wild Ones Music Festival》第二場，陳子聰出場成為全場焦點，台下歡呼聲不絕為他打氣！

子聰表示再踏舞台感覺開心，笑言每次演出都會緊張，見到台下觀眾投入，大讚香港Fans好氣氛：「有一樣嘢真係好多謝香嘅港市民，真係好多愛，我喺邊都會走埋嚟祝福我身體健康，真係好感謝！香港人真係好多愛！」隊友台上飲酒唱歌，陳子聰就話自己戒酒多年，珍惜身邊嘅一切：「我2016年開始已經冇飲酒，我飲夠啦！依家飲食都好清淡，經歷過呢啲階段，你會感恩，你嘅生命會自然乖啲。」而隊友Brain見陳子聰重回舞台感興奮，激動到爆粗為好友打氣：「只要佢搞掂晒，我哋就可以做多啲騷！」太太何超儀亦在場支持，直言老公表現滿分：「其實佢身體仲好過我，我覺得我老公今晚係好型！好在佢聽我話，本來佢好想紮髻，我就叫佢放翻啲頭髮落嚟，仲帶佢去行街買衫添。」

同場嘅盧巧音現身為樂迷帶驚喜，除外套更搞到熱血沸騰：「咁耐冇見大家咪除吓囉（再性感啲？）夠啦，問吓Sammy先啦！」而KOLOR即將舉行巡演，更計劃去英國放假：「好多朋友喺英國，可能邀請啲朋友陪我地跑步做運動，了解吓大家啲文化。下年我地20周年，會出威士忌紀念版，應該會搞演唱會慶祝。」而吳浩康近日工作不斷，呢日以組合CLOSER單位現身：「嚟緊兩邊都會參與，因為都係兩批觀眾，而下一站個人演唱會嚟緊都會公佈。」