*

食波幅實戰篇

最近人仔大貶值大風大浪,股市再插試底,不過有網友Xi電郵報喜 ,話早前跟咗我講去買入兩隻股食波幅,一隻食到一隻食唔到,都執番少少幫補吓喎。

 

我在兩星期前7月31日講到可以炒炒波幅,目標係內房龍頭萬科( 2202)和軍工股中航科工(2357),我講萬科可以當時現價 18.24元揸一半,等跌到18.1元再揸另一半,若入晒平均價 18. 17元,目標升10%,到19.98元沽。

 

當時講另一隻中航科工(2357)當時股價6.72元, 話那些價追入有風險,可以等它回到6.2元左右吸納 ,睇15%升幅(即7.13元)。

 

結果網友Xi真係在18.24元買了萬科,但只買了一注, 因為萬科當日最低只見18.16元,但佢set咗位回到18. 24元已經買咗,無見過18.1元,買唔到第二注。佢set 咗賺10%在20.06沽,但8月11日最高只見19.86元, 和沽貨位差1%,結果沽唔到。之後遇上人仔貶值跌市,而家去番1 8.6元,雖然萬科已算硬淨,但都差不多打回原型。 佢有少少揼心。

 

20150814_LUK_01_704

 

我話買股有時差少少就係咁,如果佢唔使番工睇實個市,8月11日 朝早萬科其實三次升上19.86元都升唔穿,見隻股差少少唔到價,可以在佢第二次試高時, set低少少在19.84元位置食咗佢。我的策略是食唔到10% ,9%也殺,短線至緊要有得食。但要番工唔貼市無辦法。

 

網友Xi隻中航科工就食到好應,佢8月3日在6.2元買咗(當日 低位6.05元) ,set15%升幅在7.13元食糊,結果在8月11日(本周二 )食咗糊(當日高位7.3元)。佢在這種跌市都食到糊, 非常開心。

 

其實內地重組浪潮殺到軍工股, 中航科個有個仔中航電子係重組目標之一,所以中航科工逆市炒上,不受跌市影響。

 

20150814_LUK_02_704

事後孔明去講,中航科工在8月10日(本周一)上到7.05、 7.07元那些水位已呆呆地,即使你訂7.13元目標, 見佢上到有點乏力,在7.05元可以走,雖然未夠15%,但有1 3.7%回報,一點也不失禮,唔需要睇咁盡, 即使後來大升都係咁話,至緊要有糊食。

 

未來中航科工若回到6.4元,可再買入,上望15%睇7.36元 ,若然接近但升唔上,低少少食糊都得。

 

陸羽仁

陸羽仁

** 博客文章文責自負,不代表本公司立場 **

週期下跌的由來

最近與一位上市公司的財務總監吃午餐,提到2、3月上市公司陸續公佈業績 ...