*

upload_article_image

再做主持獲讚愈來愈索 黃紫盈唔關心張文采升職

黃紫盈:「我唔八卦舊同事升職問題,唔關我事。」

31歲前「新聞小花」黃紫盈(Connie)離開無線5年,最近重返主持老本行為「永恆亞視」網上平台主持全新時事資訊節目《香港追擊搜》,除她外,仲有前TVB主播周嘉儀、亞視「台柱」朱慧珊等。觀眾大讚黃紫盈跳出大台後愈來愈索,對此,她解釋當年做新聞主播打扮受限制,公司要求主播妝容簡單,現在出來接Job,先明白儀容對司儀好重要!

黃紫盈愈來愈靚,佢話世上沒醜女人,只有懶女人。

黃紫盈、周嘉儀當年合作無間,轉個新環境又再聚頭。

黃紫盈做實習記者時日日出外勤採訪兼返公司寫稿,當沒時間亦不識打扮,唔知化妝要搽粉底,連眼睫毛都唔識黐。

亞視新節目《香港追擊搜》是搜羅香港市面上受關注的訊息,再用生動有趣輕鬆手法表達,而且節目破天荒在ATV及開電視同步聯播,黃紫盈好開心可以親身見證到「歷史」,覺得這樣做是win win雙贏。暫時Connie主力做廠內工作,由於她在日本讀過書,如果日後有適用的日本時事專題,她可以加以發揮:「近年我有做開飲食及旅遊,擔任幕前及監製角色,根本無離開過鏡頭,所以唔會唔適應,最開心能夠同珊姐合作,開工前我有起佢『底』,世界真細小,原來我哋係中學校友,佢係我仰慕嘅前輩,好專業,好認真,希望喺佢身上學到嘢。至於周嘉儀喺TVB新聞部時合作過做project,到時我哋互補不足,千祈唔好搶對方風頭。」

當日「新聞小花」黃紫盈在鏡頭前輕撥秀髮成為熱話,難怪躋身「十大新聞主播」行列。

黃紫盈跟周嘉儀、朱慧珊等主持亞視時事資訊節目《香港追擊搜》。

當年黃紫盈離開TVB新聞部,外傳受了委屈,搞到黃紫盈報道新聞時忍不住在鏡頭前落淚,未幾就辭職。提到「死敵」張文采上月榮升做「人妻」,又升職及退居幕後,黃紫盈避談:「我唔八卦舊同事升職問題,唔關我事,但大家唔係好熟,佢冇請我飲好正常,而且我哋冇聯絡好耐。」

上月,張文采下嫁消防員,又傳她升職退居新聞部幕後,黃紫盈沒興趣了解。

上月,張文采下嫁消防員,又傳她升職退居新聞部幕後,黃紫盈沒興趣了解。資料圖片