*

upload_article_image

苦練蜜桃臀 倪晨曦:靚pat對完美身形好重要

在她眼中陳慧琳及莫文蔚身形最正,40多歲依然性感! 

近年成為網絡女神的倪晨曦(Elva),31歲樣靚身材正,Ig有超過63萬粉絲。Elva 對現時身型好滿意,她早前為真人騷《廣告女神》做評判,近日第3次做美容院代言人。Elva說:「最想係苦練蜜桃臀,靚pat對完美身形好重要,自己骨架唔大,上圍唔使太豐滿,而且身材均勻着衫型啲!」

倪晨曦滿意身材,但都可以擴胸,body再靚啲!

選美入行的倪晨曦最開心的是再度成為美容院代言人,因為代表靚,是兒時夢想。她主張健康體態:「平時會做瑜伽keep住身形,操出肌肉及線條,O依家操到連pat pat都firm咗,變相雙腿會修長啲。除此之外,食咗素幾年,纖維會踢走宿便,小腹都平埋,女仔最介意係有小肚腩!」

倪晨曦擁有43吋長腿,不時晒水着吸睛。

她大讚美國模特兒Gigi Hadid身型最fit,索媽陳慧琳身材均勻;莫文蔚(Karen)不止腿長,pat pat還好靚:「佢輯裸背寫真集好犀利,多年嚟都留有深刻印象。等我明年練到pat pat再翹啲,咁可以學Karen影輯靚相。不過,男友冇讚過我身形好,反而會取笑我對腳好粗!」

之前Elva為苟芸慧大婚做姊妹,唔知有冇乘機取經準備做新娘?

Elva在社交平台有不少宅男追捧,不過,她為了向男友V先生派定心丸,選擇公開真命天子,令fans心碎,甚至有反對聲音評論她出招箍實有錢男友。對此,她笑說:「其實男朋友只係普通正常返工族,揀男仔唔睇人哋家底。其實公開男友只想同大家分享我嘅開心事,慶幸都有唔少正面留言。」

5呎8吋高、33C的倪晨曦身材均勻。

莫文蔚的蜜桃臀,最吸引Elva。

倪晨曦坦言以前係介意公開男朋友,後來想通了,自己都係正常人,都想有男仔錫。

Elva早前po咗張同妹妹和母親嘅合照,兩姊妹一樣省鏡。