*

新歌教人「斷捨離」 On仔:不要沉醉在失去的傷痛中

On仔表示人會歷各式各樣的失去,所以不要讓「失去」成為生活的絆腳石。

組合C AllStar成員陳健安(On仔)為個人發展第二撃的新歌《告別的藝術》拍攝 MV,這歌由On仔親自作曲,首歌主要教人「斷捨離」,積極得來帶少許傷感,片中幾個場景,代表著每個身份角色要去面對及道別的事情。

On仔為個人發展第二撃的新歌《告別的藝術》拍攝 MV。

其中一段導演找來一位小妺妹演出,On仔説:「小妺妹好可愛活潑,完全不受控制,自己發揮。不過就係因為咁而擦出好多火花,佢無意中為我哋製造咗好多好有感覺、好靚嘅畫面。」

On仔一向喜歡思考人生。

On仔指其中一個鏡頭,小妺妹見到一灘水,便赤腳直衝過去,然後跳上跳下,自顧自地踏水,「我一邊睇住佢一邊諗,當我哋將生活入面唔需要嘅攞走,個人便會變得更加輕,然後就可以回歸到好似小朋友咁,完全沒有負擔,可以自由自在咁跳,已經好滿足好開心。」

On仔被MV情景點化。

On仔稱人由出世開始,就已經歷各式各樣的失去,由被媽咪抱住再放回BB床,到玩具被爸爸媽媽丟掉;大個會失戀、跟朋友分別,甚至失去最珍惜的人,「失去過程可能會令你覺得好慘痛,希望呢首歌可以提醒返大家,唔好沉醉喺呢種傷痛入面,唔好俾呢啲情緒成為你生活入面的絆腳石!」

陳健安

陳健安