*

upload_article_image

TVB最強小花!江嘉敏執二灘做《牛下》女一勁開心

江嘉敏自爆:「開心死!」

黃心穎因「安心事件」形象盡毀,避走美國的她留下大堆「蘇州屎」,已完成拍攝的《法證先鋒IV》、《牛下女高音》等劇都要重拍,而《法證IV》已落實由湯洛雯取代黃心穎一角,至於《牛下》女一,則有傳24歲的江嘉敏(Kaman)撼贏陳瀅及麥明詩等,繼《兄弟》後再做女一,成為TVB最強小花。對於頂替黃心穎做女角,Kaman話以平常心面對,但又忍不住笑出來,更自爆:「開心死!」

《牛下》可以重拍,最開心應該係首做男一的張振朗。

江嘉敏在《兄弟》中已做女一,但就算在《降魔的2.0》只做3日串星亦非常樂意。

《牛下女高音》女主角是一名不修邊幅的宅女,亦是鍾景輝的孫女,戲份由頭帶到尾,好有戲做,是一眾TVB小花如劉佩玥、麥明詩及陳瀅等眼中的「肥豬肉」,江嘉敏偏偏得到監製黃偉聲垂青,除她外並無其他「執二攤」心水選擇,日前經已安排她試鏡及拿劇本。

江嘉敏

據知,不少監製都好Like「清純女神」江嘉敏,她剛剛拍完陳維冠的《殺手》,又正在拍攝梁材遠的《大醬園》,以客串方駿釗的《降魔的2.0》,因為監製覺得她有少女味,氣質又ok,特別找她客串,絕對是搶手貨。

24歲的江嘉敏樣靚身材好,青春逼人,笑容仲好鬼甜。

網上圖片

日前,江嘉敏跟胡鴻鈞(Hubert)去到大埔汀角山寮路一間茶室為《降魔的2.0》拍外景,劇情講一個17歲失明少女,用心感受到孤獨鬼胡鴻鈞的存在,因而上演一段人鬼純真情未了。雖然戲份不多,但江嘉敏依然落力演,戲外還相當風騷,動作多多,一時托腮扮花,一時又撥弄頭髮,電力十足,但胡鴻鈞就完全不過電,就算眼見江嘉敏被小蜜蜂纏住嚇親,還要高聲哎呀哎呀咁叫,身旁的Hubert只是繞埋雙手,未有幫拖!Hubert解釋:「蜜蜂愈趕愈有攻擊性㗎。」

Hubert對江嘉敏周身擰避蜜蜂表現漠不關心,他話不護花不是衰,是因為「蜜蜂愈趕愈有攻擊性㗎。」

對於首演失明人士,江嘉敏覺得好有挑戰,「角色好難演,因為要做到有初戀感覺,要含情脈脈chok住把聲嚟講嘢,所以冇嘔算係咁喇!望嘢又要好飄,朋友就估我係咪扮緊智障人士!」胡鴻鈞竟附和說:「佢本身係咁(智障),都係做返自己啫!不如話今次係我演技大考驗啦!我知佢本身好男仔頭,扮溫柔呃我唔到嘅。」

江嘉敏眼定定扮失明少女,被朋友估她扮緊智障人士。

對於頂替黃心穎做《牛下》女一,Kaman恨到出口:「做到先算啦,唔好氹我開心,我會開心死。我係見過監製,抱住平常心面對,有就當新劇拍,否則就休息吓。」江嘉敏不評論「安心事件」係咪間接幫到她上位,只說對黃心穎來講係可惜,更提示她做藝人更加要注意形象:「都唔知點解公開咗男友之後仲有咁多緋聞,希望大家(傳媒)高抬貴手!」

江嘉敏直言拍到《牛下》就開心死,收到劇本的她仍未知拍攝檔期。

兩人要在櫻花樹下談情,問到胡鴻鈞點形容江嘉敏,女方即搶答:「靚!」胡鴻鈞無言反白眼,只推說她夠專業,見她充滿活力顯得自己老了。