*

upload_article_image

婚後老婆翹埋手唔使做 寵妻人夫吳鎮宇撇囝二人世界

結婚18年,依然咁恩愛!

58歲的吳鎮宇,繼拍《爸爸去哪兒2》爆紅後,再次拍住阿仔Feynman(吳費曼)合演自己自導自演的新片《轉型團夥》,實行父子檔一起搵食。而鎮宇愛妻王麗萍,結婚18年來都樂於做其背後的幸福女人,婚後連家務都不用做。日前下午,鎮宇由北京工幹返港幾日,就撇甩囝囝,同老婆二人世界去銅鑼灣拍拖shopping。鎮宇嫂平日只是得一份job就是專心湊仔,不怪得48歲的她keep到凍齡啦!

美魔男 ■还有兩年「登六」的吳鎮宇,愛買潮衫看落young啲。

嚟緊8月,吳鎮宇將跳上舞台,孖王菀之、袁富華等合演港版著名百老滙愛情音樂喜劇《First Date》。日前下午5時,他就抽空陪愛妻拍吓拖,先見密封靚仔樣的他獨自現身銅鑼灣潮店看衫,不啱心水就轉入另一間潮店。这次鎮宇落足心機慢慢揀,还趁無乜人除下口罩唞唞氣,未幾又打吓電話,似乎大把時間咁。

人妻不打扮 ■鎮宇嫂平時出街不愛化妝,四眼束髮打扮又樸素,有個明星老公都不會亂fing錢,抵讚。

逗留15分鐘,人夫揀了兩件衫埋單,其愛妻王麗萍亦較啱timing前來會合,之後兩公婆恩愛拖手打的離開。四眼素顏吳太打扮好樸素,婚前在新加坡做model的她98年與鎮宇在香港一間disco一見鍾情,二人01年先在夏威夷搞了個海邊婚禮;翌年底再在泰國舉辦婚禮。婚後,人夫落order,老婆乜都不用做由他養。早年《爸爸2》,極低調的吳太激罕亮相節目,还说首次為丈夫下廚煮蛋炒飯,可見多年來被老公錫到燶。

十指緊扣 ■鎮宇同愛妻十指緊扣低調放閃。

素顏吳太 藥房掃貨

另一日,鎮宇不見影,鎮宇嫂就偕兒子帶埋外傭,展開平日的湊仔生活。鬈起長髮、打扮師奶的王麗萍着拖鞋攬囝囝現身銅鑼灣一商場。10歲Feynman瘦了又高了,兩母子沿途有傾有講,外傭就拖住車仔跟尾。呢日,吳太shopping意欲好強,在商場買了幾袋名牌朱古力,再去銅記的藥房大手入貨,買了多款保濕面膜,目測起碼有十盒。不用做又咁勤力敷面,不怪得吳太皮膚滑溜,keep到凍齡啦!最後吳太帶星級阿仔貼地搭港鐵返家。

溫馨攬仔 ■鎮宇夫婦一向好錫獨生子Feynman,看吓吳太攬實10歲寶貝仔時當baby咁湊。

貼地搭港鐵 ■Feynman呢日一邊陪媽咪行街;一邊狂咪復仇者漫畫。

模範家庭 ■吳鎮宇父子好受歡迎,愛妻就樂於做其背後的幸福女人。

激罕現身 ■去年,鎮宇主演的《逆流大叔》舉行首映禮,獲妻子低調帶兒子撐場。

狂掃面膜 ■師奶look的吳太似足強國人,鍾意在藥房掃貨。

密封行街 ■私底下的鎮宇愛以口罩、cap帽密封靚仔樣。

妝判若兩人 ■上月,Feynman貼了父母在櫻花樹下的恩愛照片留言︰「我的櫻花樹下的很好作平(品)。」吳太除下眼鏡,化妝靚晒。

又唱又跳 ■王菀之對於吳鎮宇一口答應演出由她統籌的音樂劇,相當振奮。