*

姚子羚與好姊妹經歷事業起跌

憑劇集《張保仔》奪得最佳女配角的姚子羚(Elaine)接受本網專訪,透露入行13年經歷起跌,但與一班好姊妹一齊努力,加上身邊人每一個鼓勵和鞭策,令她有動力做得更好,未能奪視后不會感失望:「時機到自自然然就係你。」

 

20151231_EN_姚子羚_01

 

Elaine上月憑《四個女仔三個BAR》在「TVB馬來西亞星光薈萃頒獎典禮」奪得我最喜愛TVB女配角。雖在無綫台慶頒獎禮失落視后,她仍憑《張保仔》的「炎貴妃」榮獲最佳女配角,時隔13年再於本地的演藝事業上奪獎。

 

資料圖片(圖:TUNGSTAR)

資料圖片(圖:TUNGSTAR)

 

問到會否覺得是遲來的獎項,Elaine說:「獎項對於我自己唔係一個人嘅嘢,係一個成長經歷。因為有時有啲角色我好深刻,但未必憑套劇攞獎。我相信觀眾係睇一個過程,未必係單單睇你一套劇集。可能佢哋會覺得呢個時候嘅子羚演技開始成熟,所以邊套攞對我唔係最重要。同埋唔係我一個人嘅功勞,係身邊每一個鼓勵我、鞭策我,甚至批評我,係一個動力令我去明白點去做得更好。」

 

20151231_EN_姚子羚_03

 

提到好姊妹胡杏兒及胡定欣先後成為視后,她笑言會妒忌,但亦欣賞她們,對她亦是鼓勵。未恨攞視后的子羚見到定欣今年成為視后時感到很感動:「因為睇住大家一齊努力,經歷起起跌跌行到呢個位,但我一定會向住呢個目標進發。」

 

圖:姚子羚微博

圖:姚子羚微博

 

她指這些年在演戲過程經歷起起跌跌,開心和辛苦都有,到奪得獎項覺得好踏實,最開心是好姊妹齊齊有獎攞:「13年唔係一個短時間。我好感恩一直以來都有好多機會。」Elaine指有時會遇到樽頸位,有時想不通和跨不過,慶幸身邊有很多愛錫她的人鼓勵,很多時要調校心態,現在心態亦不同了,感覺舒服。

 

多年來多次獲提名卻與獎項擦身而過,Elaine坦言不會失望:「冇得望返轉頭。人生經歷一樣嘢只會令你向前望,唔會向後,反而會反問自己係咪做得唔夠好。有提名已經係一個肯定,證明有努力過,唔會埋怨提咗名而攞唔到獎。所有嘢係一個緣,時機到,去到嗰個位,自自然然就係你。」

 

20151231_EN_姚子羚_04

 

談到最喜歡的作品,Elaine首選《我的如意狼君》,大讚故事寫的情寫得好精緻,又謂有時拍完一套劇,身邊朋友稱喜愛該角色,自己會好開心和滿足。而近期喜愛的作品則是《四個女仔三個BAR》:「俾大家慢慢睇到子羚除咗演繹楚楚可憐、弱質纖纖之外,其實可以演繹個性啲,專業人士嘅角色。」

 

圖:TVB

圖:TVB

 

談到角色上突破,她直言可以做一個由後生演到老的角色:「對我係一個好大跳戰。因為除咗外型上轉變外,心態同語言上都有唔同,要有人生經歷先可以演繹到。又或者做一啲反串嘅角色。」

 

Elaine做反派較受觀眾注目睹,她笑謂「好人難做」:「(奸角)會有故事性人,會做好多面部上嘅嘢(表情)。有時好人最難演繹,奸有好多種唔同樣型,可以面上嘅奸,或者內心嘅。反派可以度到嘅嘢會多過好人。」她又指現時的觀眾很明白事理,不會被定位為奸角:「好矛盾。如果做奸角,人哋好憎你,即係我有努力,我都想試吓奸角唔會令人討厭。」她又指拍劇是做一個不是自己的角色,拍劇的空間會豐富些,做主持則要識執生和記性好。如果拍劇和做主持二選一,自己會選擇做戲。

 

20151231_EN_姚子羚_05

 

場地:ÉPURE
化妝:Sammy Lam (Gardenia)

髮型:Taylor Wan(Hair Corner)
服裝:iBLUES