*

upload_article_image

飾演虎媽與暖男爸 羅敏莊陳國邦夫妻檔演兒童音樂劇

兩公婆大讚劇本夠貼地!

羅敏莊(Mimi)和陳國邦暑假將會夫妻檔演出原創兒童音樂劇《童話。兒童的心底話》,日前兩人聯同林子博及一眾小演員綵排。他們坦承跟小朋友合作確有難度,但好在是家長慣跟小朋友溝通。Mimi和阿邦又講到會演虎媽和暖男爸爸,但跟本身不太相似,但認為劇本夠貼地,必定令家長和小朋友有共鳴。

阿邦化身慈父邊綵排邊提點小演員。

飾演虎媽的Mimi和扮暖男爸爸的阿邦,認真跟小演員綵排。

Mimi和阿邦身為香港兒童才藝學院的表演顧問,去年已跟過百名學生合作演出過學院開幕舞台劇,今次將聯同張紋嘉及林子博齊齊演出。他們坦承跟小朋友演出確有難度,但勝在本身是家長,「我哋慣咗同小朋友溝通,而且學生都接受過訓練,相當專業。」

Mimi和導演胡寶秀細心跟小演員講解劇本。

講到戲中Mimi演虎媽,阿邦則演暖男爸爸,兩人覺得同本身不太相似,阿邦說:「我哋教陳禛(囡囡)都係採取比較自由方式,特別係佢3歲之後,我哋似朋友多過似家長。」Mimi補充說:「不過我知道確實有好多呢種父母,所以呢個原創劇相當貼地,相信好多家長同小朋友都會有共鳴。」

台前幕後為今次原創兒童音樂劇一齊努力。

Mimi和阿邦一直以朋友態度對待囡囡陳禛。

身為該劇監製的梁梓禧和導演胡寶秀博士亦直言籌備一個原創劇不容易,幸好製作團隊夠專業。梁梓禧更碌爆人情卡搵朋友演出,「子博囝囝卓楠本身係我哋學生,順理成章搵子博幫手,仲有搵咗鄭文(前有線娛樂台主播)做顧問家長鄭文。」子博和鄭文各有一對子女都認為小朋友學習表演,可增強自信心,學識表達自己,對將來成長和學習都有好大幫助。

子博坦承一班小演員演出,控制場面實在不容易。

子博和鄭文各自帶同9歲卓楠及8歲的Sabrine參與演出。