*

upload_article_image

50歲處女演舞台劇 張可頤不結婚望找靈魂伴侶

Maggie自言單身都好開心!

今年三月踏入50歲的張可頤(Maggie)作新嘗試,處女演出百老匯舞台經典系列作品《但願人長久》,她直言:「我太過追求完美係病嚟嘅,冇把握嘅嘢唔敢輕易嘗試,好彩諗通咗,發現呢個世界係冇完美嘅,偏偏最恐懼嗰樣嘢就要做嗰樣嘢,依家努力改進中,希望呢個改變幫到我嘅姻緣。」

張可頤覺得拍拖有好多考驗,她寧可將心神放喺舞台劇,會得到更大滿足感。

50歲張可頤因為將做gym相放上網引起網民熱話。

近年Maggie好少出現幕前,養尊處優多年,8月25日將於新光戲院演出10場舞台劇《但願人長久》,跟舞台劇王子謝君豪飾演一對夫婦,和兒子面對身患絕症的老公,表達對疾病及死亡的感受。追求完美的Maggie向來不會打沒把握的仗,接《但願人長久》前非常猶豫,「對我嚟講,舞台劇係藝術表演嘅最高境界,可能我未受過正統訓練,有啲自卑,聲線又唔得。經導演張之珏加埋經理人合力說服,亦覺得要趁後生試吓,依家唔做,5年後更加唔會做。」

一眾《但願人長久》演員之前舉行聚會。

張可頤近年鮮有幕前演出,去年作品是華仔監製的《東方華爾街》。

謝君豪就向Maggie大派定心丸:「只係玩法唔同啫,只要enioy去做咪得囉。不過,挑戰成功就會成為全能藝人,所以近年劉嘉玲、秦沛、惠英紅等都會抽時間去做。」Maggie笑說:「平日我煮開簡單嘅公仔麵,睇吓轉煮鮑參翅肚得唔得先。」之前TVB重播《法政先鋒3》,Maggie表示睇返都覺得唔錯,回憶當日背對白背到嘔,流晒汗。問到會否再拍劇?她說,「遇到好似紅姐套《鐵探》咁好睇嘅劇集都想拍嘅。」

張可頤肯做舞台劇,全靠謝君豪。

最近TVB重播她和黎耀祥主演的《法政先鋒3》,觀眾仍然熱捧。

提到跟昔日TVB花旦黎姿、蔡少芬及郭可盈齊名,三人已成人母!講到感情狀況,Maggie說:「我覺得呢個年頭結唔結婚都冇分別,我唔係需要搵個男人,而係搵個靈魂同自己接近嘅伴侶,除咗呢樣,朋友、家人、同事都好齊整,所以我單身都好開心。」

張可頤跟黎姿、蔡少芬、郭可盈係昔日TVB同期花旦,其中三人已為人母。