*

upload_article_image

無牌駕駛罰社服令 龐景峰鬆晒同女友放狗拍拖

同早上聽取判刑時兩個樣......

今年4月郭秀雲和錢小豪的兒子龐景峰(Andrew),被控無牌駕駛及沒有第三者保險而使用車輛兩罪,日前兩項控罪判60小時社會服務令及停牌一年。聽取判刑後,當日傍晚本報在銅鑼灣街頭發現Andrew着背心放狗,心情似乎輕鬆晒,之後他再到時代廣場會合長腿女友Peggy,小情侶十指緊扣甜蜜拍拖shopping。

Andrew途經天橋見到有外籍男唱歌,身為同行會畀錢欣賞。

屋寵物的Andrew,去年12月向朋友收養了呢隻柴犬BB,當日拖住Soda仔去商場等長腿女友。

龐景峰因無牌駕駛被判罰社服令兼停牌,日前他出活動時表示被判社會服務令方面,即將開始會做幼稚園老師教導畫畫,因為本身中學時藝術獲得優異成績,又話自己作為公眾人物要負責任,開心可以教小朋友。他本月還會推出新碟,全部歌曲在韓國錄製,一圓歌星夢。

Andrew和24歲女友Peggy,早前往西班牙等地旅行,po咀嘴相放閃。

當日早上,Andrew到東區裁判法院聽取判刑。

判罪當日傍晚,Andrew一身鬆晒換過一身運動裝,勁man的樣子拖柴犬Soda仔去銅鑼灣放狗。只見他先去寵物店買零食給愛犬,之後漫無目的周圍行,沿途撞見其他狗主會停低友善吹水,而途經天橋見到有外籍男唱歌時又會給錢,愛心爆棚。

Andrew日前和媽咪郭秀雲慶祝母親節。

Hea足半小時,Andrew行到時代廣場門口玩手機,未幾女友Peggy前來會合,二人即十指緊扣上商場拍拖shopping。見Andrew在首飾店買了份小禮物o氹女,之後再返回商場門口等男友人。靚女友Peggy又踎又跪同一歲Soda仔玩,她和男友同樣熱愛運動,又是動物癡,難怪會一拍即合。

去年,Andrew搵女友拍新歌MV,奉旨親熱。

二人一見面即十指緊扣。

等女友揀首飾時,Andrew嘴藐藐好搞笑。