*

前七場請女嘉賓「陰氣太重」 鄭秀文搵MIRROR平衡下

雖然飯盒、化妝師和車都要加倍,但Mirror出現令Sammi的舞台很充實。

鄭秀文(Sammi)昨晚(20日)第8場紅館演唱會邀請全新男團Mirror演出,令全場粉絲驚喜尖叫。Sammi笑言有感之前七場都請女嘉賓「陰氣太重」,故這夜刻意請12位小鮮肉來平衡一下!

資料圖片

每一場演唱會Sammi都會在嘉賓環節為觀眾帶來驚喜,昨晚連她自己都好興奮,幾乎說漏嘴,及時發現還有一首歌未唱。她說:「導演喺耳機提我仲要唱一首歌,『嘉賓』你哋喺後台食多個飯盒,等多一陣先!」非常搞笑。

鄭秀文第8場紅館演唱會邀請全新男團Mirror演出。

接着,Sammi唱《千年如一日》後唱《默契》,唱到一半時Mirror成員姜濤和Anson Lo從升降台出場,觀眾馬上尖叫!然後,其他成員逐一從舞台四方八面出場合唱,全場起哄。唱畢,Sammi笑說:「有鑑於呢幾晚我都係請女嘉賓,陰氣太重,所以就請咗一班男仔嚟!」又說:「今次演唱會主題『我們都是這樣長大的』,雖然我Keep得好好,但我都一把年紀,Mirror呢啲十幾廿歲嘅年紀我都經歷過。我希望今次演唱會舞台分享畀更多唔同歌手,無論資深歌手又或者新晉組合都好,呢個台都可以分享畀所有人為大家表演。」

鄭秀文唱《默契》時,MIRROR現身。

面對Mirror 12位小鮮肉,Sammi有點花多眼亂,讓他們逐一向觀眾自我介紹,觀眾尖叫聲此起彼落。之後Samm對Mirror笑說:「你哋真係好犀利,飯盒又要買多十幾個,化妝師和車都要加倍。今日真係好開心,雖然第一次見面,但係綵排時我有睇佢哋表演,我覺得好犀利,Mirror為咗今次專登全新排咗一隻舞和歌,我希望你哋(觀眾)可以畀多啲support佢哋!」然後她落台換衫,Mirror散開舞台不同位置又唱又跳《Chotto等等》和《火熱動感LaLaLa》等Sammi經典金曲Medley,觀眾都湧到台邊歡呼!

MIRROR

MIRROR

MIRROR