*

upload_article_image

孖女一歲收晒身 Fit爆熊黛林孖老公買玩具

Lynn已經完全回復產前身形!

 38歲的熊黛林(Lynn)於去年四月為老公郭可頌誕下一對孖女Kaylor與Lyvia,一對B女已一歲大!靚媽亦已問准老公,月前復工返上海拍劇,賺錢買花戴。

Lynn和老公早前一人抱一個囡囡去樂園溫馨家庭樂。

Lynn榮升媽媽後,不時在社交網站大哂孖女的得意照,早前分享孖女一歲生日相時,卻被網民指與剛迎來第二名女兒的舊愛郭富城鬥幸福,惹得Lynn大動肝火叫網民「滾出去」。其後,人妻北上拍攝內地劇,回港後狂呻一對孖女竟然對媽媽感到生疏,又被內地網民寸爆她「扮外國人」。

大孖Kaylor(右)似爸爸,妹妹Lyvia則似媽媽。

熊黛林日前拍下孖女玩強吻嘅搞笑照片。

網民不buy不緊要,最重要有老公錫,Lynn日前以黑色貼身高衩長裙出活動時大騷Fit爆身形,表示身形已回復產前九成fit,但還想再瘦一點,又指夏天來臨會自動瘦,加上要照顧一對孖女,都會瘦得好快,還大晒幸福話太性感只可留給老公看,因為老公好保守,去旅行浸溫泉影背脊都不能pose相!

愛做瑜伽嘅Lynn,早前為慈善大顯身手。

5月尾,Lynn以黑色高衩長裙亮相,大騷Fit爆身形。當日佢表示身形已回復產前九成fit。

日前,Lynn帶孖女行商場,開心分享囡囡學講第一個英文單詞duck。

日前下午,戴著黑超的Lynn偕丈夫去銅鑼灣一商場買玩具。人妻穿上窄牛配黑tee,身材苗條三圍分明,有腰又騷到結實臀部,回復產前fit爆身形。兩公婆繑到實先去看BB car seat,逗留幾分鐘,無收穫就走人。其後,二人再去看玩具,好快手就買了一盒學簡單生果和英文字的磚形玩具走人。臨走前,兩公婆發現有記者表現友善,微笑打招呼。Lynn最後再買多兩件蛋糕才甜笑繑夫落樓,然後上七人車返家湊囡囡。

身高178cm嘅熊黛林,就算着波鞋都高過老公郭可頌。見人妻身材苗條,有腰有籮,體態好弗!

窄身褲下,Lynn臀部非常緊致。

Lynn夫婦臨走前再睇吓兒童書,最後唔啱心水走人。