*

upload_article_image

老婆陪囝囝飛日本比賽 吳鎮宇獨自留港排劇食自己

鎮宇加油!

57歲的美魔男吳鎮宇,早前一口應承王菀之,參與對方炮製的港版著名百老滙愛情音樂喜劇《First Date》。由於月尾公演,鎮宇要加緊綵排,就算囝囝Feynman要去日本參加數學比賽,都未能同行。

早前,鎮宇一口應承王菀之演愛情音樂喜劇《First Date》。

吳鎮宇近排留港綵排舞台劇,見王菀之在社交網貼了她和鎮宇的背脊相,可想而知排戲都有笑料!鎮宇無時間陪囝囝Feynman放暑假,囝囝亦自己找節目,日前由母親陪伴出發去日本參加數學比賽,見她食炸雞個樣好滋味,好像已忘記爸爸一個人孤伶伶在香港。

王菀之日前po咗張綵排相,同鎮宇背對背發放笑蛋。

Feynman日前去日本參加數學比賽,有媽咪(左二)同行。

鎮宇日前與寶貝仔Feynman食糖自拍。

日前下午,鎮宇全身黑色打扮,戴帽戴口罩遮樣神隱銅鑼灣購物。見他買東西好爽手,在潮店看完即買,半小時已連行兩店,每間都有收穫。買完衫,鎮宇行返去利園取車前,先去間泰國菜館買外賣。拿外賣後,鎮宇一抽二袋行去搭升降機取車,入升降機後發現有記者,鎮宇表現好有善,主動微笑揮手打招呼後才走人。

包到冚嘅鎮宇,拎住袋外賣。

鎮宇一抽二袋行去取車。

鎮宇好nice,主動揮手打招呼呀!