*

upload_article_image

林子博太太患極罕見癌病 憂老公壓力爆煲

希望能早日康復

無綫娛樂新聞主播林子博與太太Shirley結婚16年,育有14歲女兒林詠渝與10歲兒子林卓楠,一家原本生活幸福,但Shirley於今年4月確診患上罕見的「平滑肌肉瘤(腹腔)」,發現時已有擴散跡象,更進入第四期,只能接受化療。Shirley接受《東周刊》獨家專訪,她激動落淚說:「當知道有呢個病之後,我情緒非常之激動,而且好負面,老公喺我面前表現好正面,因為佢唔想我唔開心,但係我知道佢負擔好大,我驚佢會有一日爆煲。而家我冇返工,又要成日睇醫生,只係得佢一個人撐起頭家,見到佢成個人落晒形,我乜嘢都幫唔到手,其實我自己都好唔開心。」

(《東周刊》圖片)

(《東周刊》圖片)

Shirley續說:「醫生話呢個病一萬人先有一個,藥廠都唔會做呢啲咁少人用嘅藥啦,所以我如果要食到真正有效嘅藥,簡直天文數字,我哋冇晒希望。上次去照腫瘤嘅面積,大咗好多。我起初做化療嘅時候,二十四小時都全身痛楚,去唔到廁所,瞓唔到覺,食唔到嘢,條頸爛晒,足足捱咗七日,副作用係大到冇人相信到!」

因為太太患病,林子博要一個人撐起頭家,太太當然憂心。(《東周刊》圖片)

林子博要一個人撐起頭家。資料圖片