*

其他文章
文詠珊放狗靠淨化器殺菌 老公化身「隨從」幫手挽袋又拖狗
upload_article_image

怕「未來老婆」莊思明呷醋？楊明拍陳曉華唔敢親熱

楊明表示現正努力搵「老婆本」！

在《婚姻合伙人》中首當男一的楊明，早前再下一城在王偉仁監製TVB新劇《網絡騙案》中繼續擔大旗。日前，他跟前港姐冠軍陳曉華（Hera）及朱敏瀚（Brian）拍攝新劇外景，就算跟美貌興智慧並重的靚女Hera合作兼有感情線，楊明似乎怕「未來老婆」莊思明呷醋，不敢同Hera有親熱戲。

楊明

當晚三人在火炭工廠區拍《網絡騙案》通宵戲，劇情講朱敏瀚醉酒駕駛撞車，楊明就車住朋友未婚妻Hera去尋人，豈料中途目擊交通意外，Brian的車左搖右擺後，撞到反轉兼發生大爆炸，目擊未婚夫Brian葬身火海，Hera傷心跪地痛哭，要由楊明扶住加以安慰。

演醉駕的Brian狂扭軚，試圖控制失控座駕。

楊明做司機載陳曉華「尋夫」。

楊明安撫痛失未婚夫的陳曉華。

不過，當晚飛車危險場口由特技人替身上陣，Brian只補拍一些扭軚鏡頭配合。楊明輕輕鬆鬆就收工，他風騷地說：「呢場戲對Hera角色相當重要，拍足成晚，連睇Play back仲喊緊去keep住情緒，好有戲。但我只係做司機啫。」問到作為前輩可有指導Hera拍好處女劇？他即謙虛說：「又唔可以講係教，只係將我廿年嘅經驗講出嚟，佢都有創新嘢教返我，同埋佢唔只靚女，演戲都好有天份。」

炒車一刻由特技人上陣拍攝。

對於女友莊思明揚三年內嫁，38歲楊明現正努力搵「老婆本」，除了劇接劇，最近開了第三間燉湯店，好進取。不過，連續幾個月都蝕住做，他說：「除咗茘枝角店業主肯減兩成租外，天后同灣仔店企硬唔減。依家少咗3至4成生意，唯有守業，我都冇裁員、減薪及逼員工放冇薪假期，自己周不時落去吸客囉。(女友有冇安撫呀？)唔使啦！做生意係咁，實有高低，呢個環境大家都唔想。」

前年，楊明攞到「飛躍進步男藝員」獎即晚同honey莊思明分享，兩人認定對方係結婚對象。

早前楊明投資的第3間燉湯店在灣仔開幕，邀請好友陳曉華和張振朗（右）等到場。

decor

熱門

​