*

出賽馬跑「梗頸四」 黃婉曼:得細女幫忙打氣念力唔夠

Icy指大女在開跑期間睡着了。

黃婉曼(Icy)今日(17日)與丈夫馮柏基帶同兩個囡囡一家四口現身馬場,她表示團體馬「跳出香港」有份出賽,可惜最後只跑到「梗頸四」。

黃婉曼與丈夫馮柏基恩愛地現身馬場支持出賽馬。

Icy事後氣定神閒笑指比賽不會每次都贏,認為可訓練EQ,今次的對手都是高班馬:「每次有馬出賽都會帶兩個女嚟打氣,因為大女啱啱瞓咗,只有細女幫忙打氣,可能念力唔夠。平時我都有帶大女去睇馬仔,餵馬匹食蘿蔔。」

索媽黃婉曼愈嚟愈有貴氣。

講到中、小學和幼稚園近日停課,Icy指大女已一星期沒有上學,自己都多留在家陪她們,但沒有帶她們一起去餐廳上班,會擔心交通不便,又說對停課表示理解,會自己在家教囡囡,最重要是安全。

黃婉曼經常帶住大女周圍走,呢排唔使返學更加要睇到實。(資料圖片)

黃婉曼一家四口。(資料圖片)