*

upload_article_image

廣告

泛民你地死晒去邊?

這兩星期我十分氣憤。我日日由新界揸車出來返工,自上星期開始,示威者入中大掟嘢搞吐露港公路,成條路封晒。要繞道經大欖隧道出來,好貴。去到紅隧,又俾理大示威者封埋,要繞道行西隧,仲貴。日日係咁,你話慶唔慶!!

一路揸車一路擔心阿女返唔到學,果然校車塞死在路上,滿街掟汽油彈,怕她出意外,真係急到死。

阿媽要去中環覆診,又話「和你塞」,阿媽去到先知診所臨時關了門。阿媽的藥食晒,打電話對我喊,我都唔知點幫佢。

而家搞了兩個星期,隧道還未通番,馬路又鑿爛晒。在尖沙咀、佐敦示威,燒舖燒車。我個鬼佬大老闆睇到,好驚咁話: 「好似敍利亞戰場!」

我過去一直投票俾泛民,我想問你地死晒去邊? 你地唔同暴力示威者割蓆,結果就搞到支持你地的選民日日受苦。

有人話扮瞓的人叫不醒,泛民唔好瞓啦。泛民千祈唔好再犯民!千祈唔好只識求收割,又唔肯與暴力切割!唔好昧著良心、拋棄良知,咁嘅人血饅頭食多咗無陰公㗎!

泛民要馬上出嚟叫停所有暴力示威,俾香港人過番啲正常生活啦! 我就快頂唔順啦!

一個冇大志但懂事的媽媽