*

upload_article_image

買專業隔音耳塞 卓韻芝行路掛住睇Catalog

過馬路要小心

做人妻無耐的卓韻芝是多媒體創作人,周身刀亦張張利,自8月做完舞台劇後未見有什麼新Job,家陣香港打緊杖,好多娛樂圈工作都停工或延期。日前下午,《頭條日報》見着住連身裙,戴住文青眼鏡嘅阿芝由天后經維園行去銅鑼灣,沿途邊行邊望住手上本Catalog,睇路呀!

阿芝過馬路都掛住看Catalog。

卓韻芝一直好留意時事,亦好關心一切社會狀況,日前就透過社交平台發千字文求救,希望圈中「前輩們」能夠拯救學生,該post有近3000留言及14000個share。

邊行邊看Catalog的阿芝行去聽力中心買耳塞。

當日下午,沒怎麼化妝帶副眼鏡的阿芝由天后經維園行去銅鑼灣,沿途她都不斷望住手上的Catalog,是邊行邊看,甚至過斑馬線都繼續望,雖知道世上有好多粗心大意的司機,小心為上啦。見她上去東角道一棟大廈,再行去一間聽力及言語中心,內有好多有關聽力的產品售賣,如助聽器及專業用的耳塞,見阿芝拎了個耳塞來試,試了一陣就入手,然後再行去希慎的蘋果店,但因為當晚有社會運動,所以阿芝去到就已經關了門,她問問店員再面帶無奈離開。

阿芝試塞幾分鐘耳塞務求試真啲。

阿芝想去蘋果店買嘢但門已關。

今年9月,阿芝同拍拖三個月的男友結婚。