*

upload_article_image

懶理陳奕迅取消個唱 徐濠縈兩母女遊東京食好西

照出trip!

陳奕迅(Eason)原訂於12月9至1月7日假紅館舉行25場《Fear and Dreams》演唱會今日宣佈取消,由於Eason有6年未開show,Eason都好想跟fans相聚,「餓臣」迷更大失所望。但Eason嫂徐濠縈似乎未有受「打擊」,今日喺IG如常有更新,上載唔少喺東京旅行嘅開心相,估計係兩母女同行,因為康堤就讀位於加士居道嘅拔萃女書院要徹底大清洗催淚彈殘留污染物,所以今個星期都繼續停課。因此,母女二人就乘機出個trip happy吓喇。

雖然陳奕迅取消個唱 ,但阿徐母女心情依然大靚快閃東京玩一輪。

所見,除了有疑似母女剪影相外,阿徐又喺米芝蓮食店打卡,其中有張食物相阿徐留言話「女兒問這是甚麼?!」又喺張海膽相留言話全部屬她所有!另更影咗名廚相,睇嚟呢個trip豪飲豪食玩得超開心呀。

阿徐兩母女去米芝蓮食店東麻布天本朝聖。

原來阿徐同港女一樣都係「綠茶控」。

呢板海膽真係好吸引,唔怪得阿徐笑話全部屬她吧。

阿徐經常去滑水及滑雪。

天王嫂生活寫意,成日去旅行。

阿徐同囡囡康堤感情好好。