*

友誼小姐識Social 陳熙蕊吹水表情超浮誇

好吹得~

陳熙蕊(Blossom),今年26歲,是今屆港姐的友誼小姐,無印象唔緊要,她已跟TVB簽約,未來應該不時會在TVB見到她。日前傍晚6點,家住銅鑼灣百德新街的陳熙蕊約了兩位今屆落選港姐去屋企附近食Cake,吹水講笑講足兩粒鐘,友誼小姐果然好識Social,全程勁多表情,表情還好鬼浮誇,○氹到兩位朋友好開心。

傾到皺晒眉,仲要做埋手勢。

陳熙蕊在比賽中算突出,她先憑出色口才獲得港姐限量珍藏迷你版后冠及權杖,然後再奪得「友誼小姐」名銜。事前曾被看好入三甲,連上屆港冠軍陳曉華都看好她,說她好可愛又好有自信,最後得個友誼小姐獎,唔緊要啦,贏到友誼咪仲珍貴,有錢都買不到呀。

2019港姐冠軍黃嘉雯、亞軍王菲、季軍古佩玲及友誼小姐陳熙蕊。

當晚六點,陳熙蕊同朋友在百德新街的Lady M食蛋糕,三人選坐室外位,三個女人一坐埋就傾到停唔到,陳熙蕊發言量都好多,還要是一講話就好興奮好多動作,有時舉手有時會繞住女友人隻手,最爆笑是她的表情,非常誇張,不時乸埋一舊,堪稱彈弓面,好適合做綜藝節目。快樂吹水兩粒鐘,由陳熙蕊請客,走前三人自拍,影一張不滿意再影,離開時三人平排而行繼續傾,好多嘢講。

突然又笑得好少女。

笑到挨住朋友膊頭。

臨走前自拍留念。

離開時,三人邊行邊傾。

今屆友誼小姐陳熙蕊笑起個樣好卡通,好好笑。