*

upload_article_image

29歲囝囝龐景峰拖狗買波鞋 郭秀雲負責找數兼挽鞋

廿四孝媽咪

真係「世上只有媽媽好」,現年29歲的龐景峰(Andrew)有郭秀雲呢個「廿四孝媽咪」,絕對是世上最幸福的寶寶呀!事關,郭秀雲不單止容許對方無牌駕駛,搞到自己都被罰款兼停牌,早前兩母子去銅鑼灣行街,她更做「人肉櫃員機」兼幫囝囝挽埋鞋,自己就非常慳家掃減價運動褲。到女友何佩珈(Peggy)來到,Andrew直頭無視媽咪的存在,只顧跟Peggy吹水,搞到郭秀雲勁冇癮!

龐景峰日前陪媽咪行街,郭秀雲都好識做負責畀錢和挽鞋。

見運動舖做緊半價,郭秀雲即刻入去掃番條幾百蚊的運動褲。

郭秀雲與兒子龐景峰向來母子情深,即使囝囝已經二十有九,但依然經常陪住媽咪出出入入,真係好黐家,好似早前落銅鑼灣Shopping,Andrew都選擇撇甩女友何佩珈,拖埋隻狗仔跟媽咪去掃貨。當晚6時許,兩母子以All black look現身禮頓中心一間運動品牌專門店,手挽一袋二袋戰利品的郭秀雲,甫進店即主攻深色運動褲,左拼右拼一輪後,終於揀啱兩條褲去Fitting,而Andrew則好快手,兜咗一圈便睇中一對過千元的Air Jordan,仲極速試完鞋,搞掂等畀錢!

畀完錢,結果大大盒波鞋由郭秀雲攬住,龐景峰就拎住兩個袋仔兼拖狗。

龐景峰(左)與女友何佩珈(中)雞啄唔斷,郭秀雲即識趣擰歪面搵車走。

最終,貴為「鋼鐵大王」龐鼎元孻仔龐傑妻子的郭秀雲都好節儉,只係買了數百元一條的長褲。行到櫃位準備科水,豈料阿仔居然擰歪面不為所動,郭秀雲就好自然地拎張卡出嚟埋單,以為Andrew會自己拎番對波鞋啦,怎料呢位偉大嘅母親孭住個大背囊,仲幫手攞埋個大袋,囝囝就負責拖狗兼拎兩件細袋!之後,兩人行到時代廣場會合Peggy,在等車期間,Andrew一見女友即笑晒口掛住吹水,被冷落的郭秀雲唯有兩頭望,又撳吓電話快快Call車走。

未知「未來新抱」何佩珈(右)是否唔耐煩,等等吓車叉晒腰咁。

龐景峰日前陪媽咪行街,郭秀雲都好識做負責畀錢和挽鞋。

龐景峰、何佩珈。