*

upload_article_image

狠批無綫被迴響嚇驚 李國麟急解畫:都係為公司好

李國麟稱未被照肺。

李國麟早前接受媒體專訪,大肆抨擊無綫現時對的藝人政策及製作,直指公司拍「膠劇」,不進步,又狠批「1年6騷」藝人合約,變相逼藝人借貴利,及綠葉演員要主動找監制尋求工作機會等。

李國麟

李國麟今日(23日)主動邀請傳媒接受訪問,他表示算不上是澄清,但報道出街後迴響大得令他害怕,「如果大家以呢個角度睇公司係好唔公平,依家公司好似俾我踩咁。我唔喺度做就係踩公司,我仲喺度做就係為間公司好。」他坦言不少老友表示看到該報道後感到不舒服,今日他返公司就是跟老友傾談了解一下。

李國麟自稱仍在無綫故不算踩,只是為公司好。

李國麟強調「膠劇」是觀眾說的,「觀眾咁講,我做咗幾廿年,我可以代有份演嘅劇講幾句。唔係TVB劇唔得,係TVB嘅劇集未必符合所有觀眾口味,再加上睇劇模式已經唔同咗。」至於「1年6騷」,李國麟坦言的確有演員向他抱怨過,公司對不同演員作出合適安排,但演員亦要反省是不是不夠長進。對劉江亦宣布離開,他說:「我同劉老師傾過,佢都70幾歲,唔想太多產。」

東星圖片

問到是否受壓而出來解釋?李國麟說:「有都係我自己做成。(有冇俾高層照肺?)未照,我都幾廿歲人,我覺得唔會鬧我囉,鬧我做乜,會搵我了解件事。」他透露合約到2021年5月,「我都係為公司好,唔想公司冧。亦趁機會同大家講聲唔好意思。」

東星圖片