*

upload_article_image

派1.5萬個口罩送暖 喬寶寶獲長者道謝

人龍打足幾個蛇餅!

新型肺炎肆虐,一罩難求,全城瘋狂搶購,各地貨源都供不應求。生於香港的印度人喬寶寶聯同油尖旺區議員、他的中學母校老師等,今日幫佐敦一間印度餐廳派口罩,免費派發給65歲以上長者防疫,每人限取 5 個。由於人龍太長,打足幾個蛇餅,為免造成秩序混亂,警方建議活動提早半小時開始,15000個口罩於45分鐘內派完,惹來部份姍姍來遲的市民不滿及鼓譟。

喬寶寶参與的送暖行動令大批長者受惠,人龍打晒蛇餅。

原先活動於今午12至2時進行,但中午12時15分就完結。大批長者清早已到場排隊,上午11時許,排隊等口罩的人龍已由茂林街「打蛇餅」佔據了馬路,不少長者看到新聞報道後即時趕往,到場後猛問「龍尾喺邊?」3000個籌瞬即派完,至12時許,有義工表示無籌的人已無法取得口罩,部分排隊人士不滿鼓譟,大鬧「呃人」、「做戲」!其中有人呻:「冇口罩慘過死!」甚至有市民更發難衝入食店話做食客,不肯離開。店外負責泊車的男子加入,怒斥一些市民橫蠻無理,影響他及食店「搵食」,一度和長者起衝突,最後要報警求助。而混亂間,有好心人持10個口罩派給正在鼓譟的市民,惹來一陣亂子。

寶寶出心出力做善事。

對於有指安排混亂,有份協助派口罩的喬寶寶無奈說:「香港地做乜都滿足唔到所有人㗎啦,我預咗會咁,今次亦搵咗好多義工幫手。其實本身預咗派20000個,但後來情況太混亂,最後只係派咗15000個。疫情咁嚴重,派多多都唔夠,啲人寧願要口罩都唔要錢。點都好啦,今次活動喺安排上有改善空間,但都算係成功嘅,今次參與善舉感覺都好開心,好多公公、婆婆話多謝我,希望喚起大商家、有錢人及知名人士一起出錢又出力,改善大家都南亞人的印象。」

攞不到口罩的婆婆呻無口罩呻還慘過死!

(左)場外負責泊車的男子一度和鼓譟的市民口角,最後報警收場。

派發的三層口罩。

期間有人派十個口罩引來混亂。

喬寶寶一早就到場做義工。