*

upload_article_image

拍《法證IV》克服怕血 李施嬅:解剖時好多裸體超尷尬

施嬅指《法證先鋒IV》是她演藝生涯中最難的一部。

李施嬅和謝雪心作客TVB娛樂新聞台節目《StarTalk》,大談合作新劇《法證先鋒IV》感受。施嬅表示今次感情線重點落在她和心姐身上,「今次拍劇特別開心係因為劇集唔係集中講愛情,除了案件之外,仲有親情,我同心姐飾演嘅馬姐關係好難得,有場好難演,仲好催淚。」

李施嬅和謝雪心接受《StarTalk》訪問。

對於施嬅來說,劇集對白有難度,亦是她演藝生涯中最難的一部;除此之外,怕血的施嬅亦遇上一大難題,「我好驚血同睇恐怖片,所以為咗解剖場口,我事前做咗好多準備功夫,睇咗好多恐怖片去克服,初初真係睇到反胃,慢慢開始習慣,但我計漏咗一樣嘢,就係解剖嘅時候有好多裸體,真係好尷尬,全部都係真人,個個都淨係著條短褲仔,我仲要觸碰佢哋。(好有艷福?)哈哈!真係男女、大隻、肥瘦咩都有,睇吓你有咩喜好啦!」

《法證先鋒IV》

《法證先鋒IV》

心姐亦不遑多讓,「今次為咗演活馬姐角色,自己特登自創口音,我爸爸係中山人,媽媽就係順德人,所以溝埋一齊講,因為冇講慣,所以都幾辛苦。另外,造型方面公司造咗一個假肚楠畀我著喺衫裏面,不過夏天出外景拍攝時就出晒汗啦!」

《法證先鋒IV》

談到感情事時,施嬅說:「真係冇人催婚呀!呢一兩年喺我事業上有好多新嘗試,我有一個事業心,但你話有冇去識人,有冇人介紹,有冇Potential,係有!但係要有時間去培養感情先得,我呢一刻真係唔夠時間用,而且我都唔急,太想要一樣嘢通常都唔會發生,要嚟就會嚟。」

網上圖片