*

upload_article_image

取消旅行好無聊 楊愛瑾玩直播坦言掛住Cookies年代

Miki表示當時好開心,但依家都好開心。

楊愛瑾(Miki)前日(17日)在社交網站發文稱:「話說原本今(前)天我人已經在北海道,但現在還在家,旅程取消了就只好穿穿一早買好了的新衣拍個照紀念下吧。還有很多很多,全部都是新的,拍完照就等下年再見了」。

昨午Miki更素顏在社交網站直播,直言:「因為好無聊,啲細路瞓咗,依家準備今晚去食飯。冇得去旅行係好失望,但冇辦法,其實因大部份朋友想取消,唔緊要啦,我已接受呢個現實。」

一路直播一路化妝。

Miki透露有了小朋友家裏需要工人姐姐幫忙,同老公已很少二人世界,但都希望兩公婆盡量每周出去撐枱腳,及每年去一次旅行。她又邊直播邊化妝,說女人都要扮靚,之前她皮膚不好自信低,傷心得像天塌下來。

楊愛瑾

有網民問可有想念當年Cookies年代?Miki即謂:「我都有諗返以前係好開心,依家都開心,但開心嘅嘢唔同咗,責任大咗要照顧人,以前俾人照顧,成班女仔嘻嘻哈扮靚好開心。」最後,囝囝瞓醒在鏡頭前跟大家打招呼,Miki就結束直播。

Miki素顏直播,話好掛住以前Cookie成班女仔開心扮靚。