*

upload_article_image

囡囡掛住撳電話 王敏德父女行街慘被冷落

阿囡對眼只有電話......

王敏德個名出鏡率好高,因為佢兩個女都好有新聞性,大女王曼喜(Kayla)嘅同性戀情經常上報,二女王麗嘉(Irisa)又好鍾意放性感相到ig,激到老竇咆哮,父女隔空互動好好睇。日前下晝,王敏德同二女王麗嘉現身ifc,一樣咁高嘅兩父女去買乳酪食,邊食邊行,老竇係咁講嘢,但阿囡對眼只係望住個電話,理吓爸爸啦。

雖然個女唔理佢,但好彩王敏德仲有乳酪。

王敏德份人都幾有心,之前就試過高溫下去郊野公園執垃圾,又試過喺社交網開直播唱歌,佢話為粉絲傳遞正能量,而佢老婆馬詩慧同二女王麗嘉就擔任特別嘉賓同大家傾偈,Michael話:「知好多人唔係好想出街,今次搞網上直播,希望出一分力,畀啲正能量大家。」嗯,有心嘞。

王敏德食住乳酪同個女傾偈,但個女就唔多想理佢。

無人理王敏德

日前下午,見到戴住口罩同無戴口罩嘅王敏德父女喺ifc出現,兩父女專登搭扶手電梯上兩層去買乳酪,兩人揀咗一陣,由Irisa找數。王敏德拉低口罩邊行邊食,冇罩Irisa就無呢個煩惱,一家之主好多嘢講,係咁食係咁講,不過阿女就唔多理佢,估住撳電話,雖然一心兩用,又食又撳但Irisa完全Handle到,之後兩人就搭Lift去停車場攞車離開。

兩父女買乳酪,由王麗嘉找數。

王麗喜一路行一路撳電話,中間又會抽時間食兩啖乳酪。

王麗喜經常貼性感相到ig。

兩父女經常一齊出席活動。

王敏德一家五口。

王敏德喺《流行經典50年》唱英文歌鼓勵港人。