*

upload_article_image

出關回家剪手帶 崔碧珈為媽咪整愛心炒蛋

媽媽應該好掛住囡囡。

崔碧珈上月20日從美國洛杉磯返港後,即入住酒店進行14天檢疫隔離,昨日期滿出關的她今午在ig發文,分享終於回家情況,留言:「Good afternoon Hong Kong!Finally I am home after the quarantine life at the hotel。祝大家週(周)六快樂 琴日終於完成14日家居強制隔離 暫時身體係健康,好開心終於可以返屋企了 呢段日子有勞酒店同事每日為我量度體溫 非常貼心,上上落落幫我傳遞東西 再加上,一路上網同你哋傾吓計(偈) 令我覺得呢兩個禮拜唔難過 有互相支持,互愛嘅感覺 另外亦辛苦媽咪每日都要送飯餸過嚟比(畀)我

崔碧珈

「今日瞓醒到我煮嘢食了 因為媽咪係素食者 所以決定整又好食又容易嘅餸 就係『愛心炒蛋』哈哈 雖然我依家返咗屋企,手帶已經剪斷了 但不必要嘅出外都係會盡量避免 呢段時間留在家中係為己為人、自律嘅行為 所以嚟緊嘅日子可能都會多係(喺) 屋企自我訓練 同大家互動下,互相勉勵 呢個時候好講大家嘅意志,同埋要團結起來 同心協力,一齊抗疫! #遇到任何事 #最重要保持正面態度 #其實我唔係好識煮嘢食㗎」。

崔碧珈一返屋企就做乖乖女為母親下廚。

崔碧珈除分享捧住碗蛋同媽咪合照,還有剪斷了的手帶,及強制檢疫期結束短訊。

崔碧珈一返屋企就做乖乖女為母親下廚。

隨後,崔碧珈貼上昨日出關後第一時間去髮型屋理髮後照片,留言:「一出關就去咗髮型屋染髮剪髮 準備為下星期拍廣告作準備 入髮型屋之前每個人都要量體溫、洗手 然後入房間前再係空氣噴消毒噴霧 咁就可以安心除口罩扮靚喇」。

崔碧珈出關回家剪手帶