*

upload_article_image

《春光乍洩》戲份全刪 關淑怡喊足七次

唔抵。

《春光乍洩》劇照

樂壇天后關淑怡(Shirley)昨日(5/4)於社交網站宣布退出樂壇,雖則暫時未知具體原因,不過許多歌迷都大嘆可惜。Shirley當年除了紅遍紅壇外,亦有參演過電影,最為人所知的是她曾於王家衛執導的《春光乍洩》演出,可惜其後於上映版本被完全刪除所有戲份。最後Shirley演出的片段只能在電影幕後花絮紀錄片《攝氏零度·春光再現》。

《攝氏零度·春光再現》截圖

於2008年,Shirley為TVB清談節目《志雲飯局》擔任嘉賓,主持陳志雲問到當年《春光乍洩》戲份全被刪走,她就坦言答道:「(點解會有呢次契機呢?)最初係王家衛同我有共同朋友。(拍咗幾耐?)初初同我講十零日左右,但最後去咗兩個幾三個月,(有冇劇本?)佢出咗名係冇劇本,其實當刻拍,第一我冇乜經驗,因為我唔係全職演員,但我覺得我實驗形式去合作係好嘅,(有冇同你講你個角色係點?)係有提過吓,話同偉仔係有對手戲,但拍嘅時候係有啲唔知佢諗咩嘅,要剪完出嚟先知。」

《攝氏零度·春光再現》截圖

雖則戲份全被刪走,不過Shirley表示並不介意,亦指有收足片酬,同時她亦大讚王家衛:「我記得有一次佢叫我望住個大瀑布喺度喊,嗰度係旅遊景點,仲要我演戲又唔係咁叻,要我喊真係好難,但佢好叻,佢真係整到我喊,佢會講一啲嘢令到你喊,我記得我嗰次喊咗成七次,當時係喊,停機,然後畀啲人行,又再拍,又再喊,因為嗰度係遊客區,唔可以拍太耐。」

《攝氏零度·春光再現》截圖