*

upload_article_image

「520」發放愛 溫碧霞出歌贈粉絲

發送正能量。

MV中將Irene打造成花花女神。

自從1994年在港推出過《情後無悔》大碟後,已有16年沒有出廣東歌的溫碧霞(Irene)選擇喺明天推出打氣歌《Make You Smile》,原來咁嘅安排好有心思,因為「520」(諧音:我愛你)係個充滿愛嘅特別日子,在新冠肺炎疫情下,Irene目睹大家士氣低沉又傷感,決定走入錄音室錄歌發放正能量,將愛送給等待了她16年的所有香港歌迷。

呢套鮮艷色彩嘅花花裙,動用了超過1300朵Irene最喜歡嘅牡丹、玫瑰、太陽花等絲花縫製而成。

而英皇十分重視Irene這首打氣歌,邀請了著名音樂人及莊少榮執導MV,將Irene女神般的笑容及舞姿,再配以充滿陽光與夏日夢幻花花世界的3D效果,打造成清新燦爛的感覺。Irene十分喜歡被色彩鮮艷的鮮花包圍MV嘅效果。

MV造型夠晒清新。

另外,她主演嘅新片《墮落花》於5月28日正式公映,近日舉行了兩場優先場,口碑讚好,觀眾大讚Irene演技,亦讚《墮落花》好有誠意的香港電影,Irene並有感而發:「《墮落花》係一部好多心機好有誠意拍攝的香港電影,希望政府可以快啲放寛限聚令,一家人或一班朋友開開心心坐埋一齊欣賞好戲,多啲觀眾支持香港電影票房,真係好希望香港電影重現80及90年代百花齊放的香港影壇,重現香港荷李活。」

溫碧霞露香肩招牌,又點少得呢!