*

upload_article_image

揚威海外影展首封后 溫碧霞失望金像獎無提名

可惜啊!

Irene跟初次合作的關智斌,亦有不少親熱場面。

溫碧霞(Irene)早前憑電影《墮落花》,首度奪得「愛爾蘭第8屆絲綢之路國際電影節—最佳女主角」,她坦承獲得國際的肯定是個很大鼓勵,不過對於電影未能獲得「香港電影金像獎」提名感到失望。談到戲中跟陳漢娜的咀戲,Irene直言起初確實尷尬,但好快投入角色,她更大讚陳漢娜表現專業,有自己年輕時的影子。

Irene認為今次「傅餘雨 」一角有好大突破,「今次演一個毒針,仲要有毒癮,同我演開角色有好大反差。」

今次電影Irene跟新班底合作,好似導演李卓斌及幕後團隊,她感覺他們對電影好有火好有心。至於戲中演她妹妹,跟她有不少對手戲的陳漢娜,她更加有讚冇彈,「見到佢會諗起我細個,我細個係比較文靜同埋唔係好出聲,但係又好知道自己做乜,同埋係好有信心嘅女仔,見到佢時有好多感覺好似我細個嘅時候,我同佢演戲好有feel,都係好nature,出嚟感覺兩個唔似做緊戲,你覺得佢哋生活緊。」雖然跟陳漢娜好夾,但初次跟女對手拍咀戲,Irene都覺尷尬,「我都好尷尬,我都係第一次同女仔錫,其實開頭拍大家都有啲尷尬忍唔住笑,但係好快投入咗,出嚟感覺好自然。」

 

戲中跟陳漢娜的咀戲, Irene自爆開頭兩人都忍不住尷尬而笑。

 電影除了令Irene首度封影后,還入圍5個海外影展,可惜在香港成績未見突出,在香港電影金像獎慘交白卷,Irene也感不值,「金像獎係有啲失望,因為事實上呢部戲好多人睇完都有好好口碑,外國嘅影展都得到一啲成績,譬如攞咗個最佳女主角,嗰日我聽到呢個消息,我真係好開心,因為愛爾蘭呢個影展,我嘅對手係好多國際電影,我哋係唯一一部入圍嘅香港電影,仲要得到女主角,嗰個成功感更大,人哋唔會因為俾面你係邊個,人哋純粹睇部戲,發覺呢個角色好睇做得最好,我嗰種滿足感係好大,會好surprise,亦係一個好大好大嘅鼓勵。但唔緊要啦,我會繼續努力嘅,而事實上最緊要係啲口碑,同埋依家已經入咗咁多個影展,好戥成隊team開心。」封后後,Irene坦承令自己信心大增,「不嬲我自己做嘢都好有信心,但攞完獎我覺得對自己更加有要求,更加要拍更多好嘅戲。」

Irene認為獲封影后要更加努力,拍好每一部電影。