*

upload_article_image

疫情放緩即鬆一鬆 JW脫罩陪男友放縱會友

似乎有點鬆懈喎~

拍拖3年多的JW和Tarzan感情穩定,更一度傳出婚訊,雖然JW否認,但二人早已見過家長,更不時於社交網放閃……

早前本港新冠肺炎病例維持「零確診」超過20日,疫情看似稍為緩和,本月8日政府也落實放寬「限聚令」,聚集人數由不可多於4人增至8人。有見及此,上月才跟卓悅太子爺男友葉韋彤(Tarzan)戴晒口罩外出的JW(王灝兒), 本月初就約多幾個老友重臨數碼港公園放狗,不過今次逗留的短短1個鐘內,二人都超Free冇戴口罩。

Tarzan正跟一班兄弟吹緊水,JW就住痕去搵男友傾兩句。

JW拖住兩隻愛犬離開,尾隨的Tarzan則負責拎地蓆。

抗疫期間,經常留喺室內打乒乓波的JW,本月初見疫情暫時緩和終於靜極思動,約Friend食飯、露營、出海,有次仲幸運地同海豚喺大海中暢泳,真係羨慕死人!而繼上月中被本報拍攝到同男友去數碼港公園放狗後,日前JW又同男友去同一地點放狗,不過今次他們就約埋三五知己Gathering。

遠離人群的JW先餵飽「主子」Cassi,再自己飲嘢解渴。

郊外較多昆蟲,狂左手的JW似乎都中招俾蚊咬。

當日下午4時許,JW與男友Tarzan就帶同兩隻愛犬Cassi和Mallow到達公園會合朋友,到埗後,其中一名友人問兩人點解咁晏?他們解釋:「好塞車呀。」雖然專家不斷提醒各界切勿鬆懈,市民應該繼續做好防疫措施,但現場所見,上月仍乖乖戴口罩的二人此次卻完全零防護,在口罩、面罩、掛頸空氣淨化機……乜都冇的情況下,殺入遍佈人群的公園內,非常勇猛!不過,可能自己都驚冇遮冇掩易感染,JW大部分時間都遠離朋友堆,一個人坐在野餐墊上服侍Cassi。

JW大腿、Pat pat都脹卜卜,似乎又加咗一個碼。

餵飽「主子」後,JW才大力啜乾杯凍咖啡解暑,再行去Join番男友仔。而抗疫期間陪Tarzan密密食的她,亦儼如中了「不瘦降」一樣,體態愈來愈有福氣,她甫企起身,一雙脹卜卜大腿即無所遁形,更似有加碼跡象!相信貼住塊草皮坐的她俾蚊叮,搞到JW一路行一路乸埋口面狂左手,跟男友傾偈時仲到上頭殼頂,真係隔個住個Mon都覺得痕!吹多兩句水後,大家就開始收拾東西離開,JW負責拖狗仔,而Tarzan負責拎地蓆,二人逗留約1小時便火速駕車回家,咁嘅時勢梗係Stay home安全啲啦!

arzan與幾個兄弟一齊執嘢準備離開,JW就站在一旁等。