*

upload_article_image

《愛回家》唔使開廠 送水輝約大小姐細龍生齊行山

齊齊呼吸新鮮空氣~

一班同事齊齊行山。網上圖片

因疫情關係,大家都避免去市區人多擠迫的地方,令到近期多了不少人去郊外行山,強身健體外,仲可以吸收新鮮空氣,鬆一鬆。一班娛樂圈中人也愛上行山。

送水輝同大小姐。(網上圖片)

TVB處境劇《愛‧回家之開心速遞》的一班演員「送水輝」許家傑、「大小姐」林淑敏、「細龍生」鄭世豪、「熊尚善」滕麗名趁唔使開工,加上天氣好,昨日齊齊約埋一齊去行山。

網上圖片

一行人去到青衣行山,除下口罩呼吸新鮮空氣。許家傑更在社交網分享行山的照片,並留言︰「青衣幾好行,又望到青馬大橋同汀九橋,仲有好多涼亭可以飲啖茶食個包。 #去你唔去行山小隊」有人就留言就話佢地行山活動好健康。

網上圖片