*

upload_article_image

羅仲謙演古惑仔首被爆樽 遭洪永城取笑扮唔到「華Dee」

而謙謙就關心爆樽後個頭有無亂......

羅仲謙、洪永城、鄭俊弘、李成昌等為無綫新劇《陀槍師姐2020》拍攝一場爆樽戲,劇情講述飾演黑幫頭目鄭俊弘於外面闖禍,令幫會內部糾紛,身為話事人的的李成昌向對方施壓兼削權,鄭俊弘的手下羅仲謙為其受罪被李成昌以玻璃樽仆到頭破流血。謙仔拍攝被爆樽場面一take過完成,最搞笑是當cut機後,他即笑問:「我個頭(指髮型)有無亂到?」

羅仲謙遭李成昌爆樽。

羅仲謙被爆樽後,額頭劃上疤痕。

飾演黑幫軍師的洪永城,表示戲中跟羅的仲謙、鄭俊弘、李成昌在幫會中是四人組合,不過跟鄭俊弘十足90年代古惑仔經常講打講殺又賣毒品,所以跟對方永遠對立,反而他會為社團漂白會構思做不同的正行生意,更大讚今次角色好玩,因為有不少人生決定面對分叉路口,為了達到目的會不擇手段,任何阻檔他也會剷除對方。

洪永城、李成昌、鄭俊弘

對於飾演其手下的羅仲謙,洪永城透露兩人有不少對手戲,更大讚對方很用心演出,並會自備道具到拍攝現場,務求演得入型入格。他笑說:「謙仔會帶埋幾本公仔書放在背囊,例如:龍虎門、風雲等,又會準備香煙同戴頸鍊,而且為了今次角色睇返劉德華以前演繹古惑仔的電影作為參考,因為他要瀟灑、市井又靚仔的格調,見對方著牛仔褸同髮型都是「華Dee」嚟架!洪永城說:「佢無時無刻都睇劉德華,我話佢:『你扮唔到佢啦!放棄啦!』。」

一身牛仔Look的羅仲謙坦言角色有少許模仿華Dee。

談到跟前輩李成昌演對手戲,洪永城坦言不時獲得對方教導,能夠帶動到一眾後輩演員投入演出。他說:「甚至佢會話你知情緒、一舉一動、情緒,叫我唔好走望住我,之後講完這句對白就唔好離開,他的動態,令到氣勢氛這好有戲味。」雖然戲中不多動作戲,但洪永城笑言自己有好多桑拿及拳館戲份,又搞笑謂認為編劇寫出來要侮辱他,皆因同場經常有「健美先生」關曜儁同「大波謙」羅仲謙,相比之下搞到他身形變得好削弱。他說:「我已經盡操fit,但不及他們操得咁靚又大隻!每次拍桑拿戲,都侮辱呀!」

洪永城坦言不時獲得李成昌教導。

首次跟洪永城合作的謙仔,笑言感覺相逢恨晚,對方轉數夠快,做對手最緊要好玩,因為相處傾偈間多過拍戲。提到演出被爆樽戲,謙仔坦言入行以來今次首次被爆樽,以往爆人樽居多,但心情不緊張,因為有演出爆樽經驗,只要有技巧性不會太危險。一身牛仔look戲服現的謙仔,感覺相當有劉德華「華Dee」感覺,他笑言今次角色的綽號叫「華Dee」,由於有搞笑成份就會有少少模仿劉德華的「華Dee」。他說:「為了這個角色我有睇返劉德華演出的電影《黑馬王子》,戲中的劉德華的拍檔是張家輝,我在劇中的拍檔有關曜儁,兩者的架構好似。」

洪永城李成昌等拍講數戲。

謙仔表示在戲中有好多動作戲,包括跳樓、撞車、斬人、槍戰戲等,適逢夏天拍攝,相信也會辛苦,但經過演出電影《西遊記之孫悟空三打白骨精》飾演沙憎身上要特技化妝,熱到體溫有5、60度,已經感受過極限。