*

upload_article_image

時裝生意業績見紅 邱淑貞一家落舖幫襯振興業務

一家人到旗下又一城分店內的餐廳食Dinner刺激公司收入。

疫情影響下百業蕭條,時裝王國I.T近日也兩度發出盈警,在上周公佈的最新業績中,截至今年2月底全年業績轉盈為虧蝕7.45億元。日前,I.T集團主席兼行政總裁沈嘉偉同太太邱淑貞和3位千金,到旗下又一城分店內的餐廳食Dinner刺激公司收入!本來食得開開心心的4母女,臨離開前發現記者在場,可能避免被記者追訪而急速閃走,老闆娘邱淑貞更避埋一角,最終一家人從秘道離開!

聽到有記者在門外拍攝,邱淑貞即匿喺堆衫後面偷望。

邱淑貞與3位千金沈月、沈日、沈晨和朋友坐在卡位用餐。

I.T集團主席兼行政總裁沈嘉偉日前同太太邱淑貞和3位千金,到旗下又一城分店內的餐廳食Dinner刺激公司收入!

戴上Cap帽、眼鏡的沈嘉偉在「無罩」狀態下低調落舖,跟朋友食飯吹水。

新冠肺炎肆虐,再加上有網民發起罷買,時裝品牌I.T的港澳及中國市場業績均「見紅」,早於2月中更有員工爆料,指公司去年底已裁走300多名員工,又實行無薪病假的制度,惹來外界恨批涼薄!面對負面新聞纏身,沈嘉偉都好頭痕,見近日疫情稍為緩和,日前就趁Family day帶埋太太邱淑貞、大女沈月、二女沈日及幼女沈晨及一班好友殺落旗下i.t blue block的J.S. FOODIES食班戟、意粉,實行全家出動刺激公司營業額!

邱淑貞在疫情下,當住細路面徒手將食物放進口。

沈日藐晒嘴不滿家姐影得唔靚,要求對方再影過。

家姐一舉機,沈日即撥頭髮配合。

沈日繼續影食物,細妹沈晨(左二)就在旁邊繼續密密食。

打卡少女

當日下午5時許,雖然店內已經坐到「密質質」,但在「限聚令」下,沈氏一家及朋友一行約10人男女分開坐,男有男圍埋食,6人女子組就坐喺卡位嘻嘻哈哈兼打卡。其間卻未見被譽為「最索星二代」的沈月Selfie,反而今次充當妹妹的攝影師,穿性感吊帶裙的沈日側側頭對鏡頭微笑,點知影完唔多啱心水,即藐嘴、擰晒頭的她再叫對方嚟多個Take,當見到家姐一舉機,沈日即一秒「變臉」輕撥頭髮露出笑容,非常專業。

店員通風報信後,沈月即望向鏡頭。

邱淑貞在員工指示下,帶着3個囡囡從秘密通道離開。

邱淑貞於1999年下嫁沈嘉偉(右二),並誕下3名女兒沈月(右)、沈日(中)及沈晨(前)。

去年初為父親自家品牌到倫敦行騷的沈月,早前傳獲沈嘉偉栽培成為家族生意接班人。

兩公婆仲鋪路捧沈月(左)做社交名援,擴闊人脈。

怕被追訪

之後沈日都好乖,起身幫身旁嘅妹妹沈晨夾食物,邱淑貞和沈月則全程掛住食同傾,仲唔用餐具徒手就拎嘢嚟食,搞到細細妹沈晨都好學唔學,用手拎嘢食,唔多衛生喎。食足兩個鐘後,沈嘉偉回到4母子張枱,講完兩句便埋單離開,其間有員工向老闆娘報料有記者,沈月和沈日即四散,邱淑貞更似在衫架後「偷望」,狀甚滑稽!可能今期I.T太紅,所以擔心被追訪,最後跟員工商討後,一家五口從秘密通道離開。