*

upload_article_image

劉佩玥指藝人工作太被動 開自家網上頻道谷人氣

她更剪片拍片一腳踢。

劉佩玥(Moon)最近在《降魔的2.0》再演「啤啤」,雖然上輯已死變為靈體,但一樣有好多感情戲,除跟「小馬」(馬國明)的愛情,仲有跟父母及上司的感動位。Moon笑指馬明仍是個很好玩弄對象,因對方太正人君子。至於疫情下,Moon開設自家網上頻道谷人氣,剪片拍片一腳踢,她更打算親自創作歌曲,為自己創造機會,因藝人工作太被動。

Moon最近清減不少,原來她為自己身體健康,已開始食素。

Moon開設的自家網上頻道內有不同內容,譬如教觀眾化妝。

今輯的「啤啤」,Moon認為演起來更加好玩,「因為佢唔再淨係鍾意『小馬』,仲會講番佢嘅志願,同父母以及上司關係同感情,有好多感動位,我自己睇劇本都睇到喊㗎!」至於跟馬明再合作,她覺得更易投入感情,「我依家見到佢好自然會當咗自己係『啤啤』,喊戲都唔使特別培養感情,好自然就喊到。」

在頻道又會睇到Moon跟緋聞男友周志文一齊翻唱《A Whole New World》。

拍這類摸胸場口,Moon爆馬明會緊張過她,不斷提醒她要打底。

不過提到馬明,Moon忍不住自爆整蠱對方經過,「上輯佢摸我個胸,事前佢好風騷㗎,但當我話我冇打底,佢就即刻好緊張,當然我係玩佢,梗係冇蝕畀佢啦!點知今次又係,我哋有類似場口,我又係話畀佢聽冇打底,佢依然會好緊張提我,所以佢真係個好好嘅玩弄對象嚟,不過亦證明佢真係個好人,係個正人君子,其實佢拍攝時對我同(黃)智雯都好照顧。」

劉佩玥覺得藝人工作太被動,唯有自創機會開網上頻道谷人氣。

Moon今次跟馬明有不少親密戲份。

雖然「啤啤」鍾意「小馬」,但都想他跟「芷若」幸福。

疫情下,Moon剛巧拍罷《逆天奇案》後便不用開工,不過她好積極,開設自家網上頻道谷人氣,剪片拍片一腳踢,「我哋呢行真係好被動,所以決定自己開個頻道,分享多啲自己另一面畀觀眾睇,我以前都係讀電影,但丟低咗剪片嗰啲要再學番,依家大部份嘅片都係自己剪番。」她還打算自己製作歌曲,繼續自創機會,「自己都鍾意唱歌,嚟緊除咗cover外,都想做首屬於自己嘅歌,但睇吓見唔見得人先。」