*

upload_article_image

亞視副總裁宣傳無綫劇 黃翠如多謝林文龍幫拖

新劇即將播出。

林文龍身為亞視副總裁,他以男主角身份出席下周開播的無綫劇集《那些我愛過的人》宣傳活動,還字字珠璣主導整個記者會,結尾更跟無綫電視副總經理杜之克來個世紀擊拳。他又率先打開亞視大門,表明歡迎跟不同娛樂平台合作。

林文龍現為亞視副總裁。

黃翠如不忘給前輩笠高帽。

劇中林文龍跟黃翠如有感情線,司儀區永權開到二人合作點滴?林文龍說:「我喺翠如身上學到好多嘢!」翠如不甘示弱,笑說:「多謝你喺友台過嚟幫手宣傳。」林文龍:「咩友台呀?Cable(有線電視)呀?係喎,你(區永權)都係Cable㗎喎!」瞬間空氣凝結。翠如打圓場分享跟對方拍攝點滴,當然少不了笠高帽。林文龍即說:「Cable出嚟係唔同啲,推晒畀我賭一鋪,如果好,咪贏囉!」

林文龍讚有線過來的區永權和黃翠如確有不同。

林文龍與杜之克擊拳。

隨後,所有演員齊集台上玩問答遊戲,區永權說出問題由林文龍揀一位演員回答。林文龍事先聲明最近有留意娛樂新聞,結果連詩雅最新緋聞男友陳家樂都受到牽連。林文龍氣勢震懾一眾後輩演員,直到他問到馮素波(波姐)有沒有珍惜的人?波姐說:「你話你唔係TVB人,又唔係呢度嘅演員,我最珍惜你啊!」即時引來全場掌聲,果然薑愈老愈辣。

林文龍主導宣傳活動,他與黃翠如為劇集男女主角。

《那些我愛過的人》宣傳。

林文龍坦言現居亞視要職,相信暫時《那》會是最後一套作品。他說:「杜生都有同我傾,話使唔使擺喺你哋嗰邊上。我無所謂,大家唔係直接競爭對手。(但杜生已經一支箭走咗!)佢日理萬機,好多嘢做嘛!」他強調亞視持開放態度,娛樂圈應該要百花齊放。