*

upload_article_image

疫情留家新婚生活不覺悶 譚凱琪與老公玩角色扮演

新婚的甜蜜情趣!

2月宣佈下嫁商人莊日宇(Enrico)的譚凱琪(Zoie),最近先後有兩套劇《降魔的2.0》及《飛虎之雷霆極戰》推出。她笑言《降魔的2.0》角色有趣在要做醉娃,原來拍攝時都有諮詢老公意見。講到升做人妻,她坦言仍在適應中,至於生B就會順其自然,她又自爆因疫情經常留家跟老公玩煮飯仔,還會哼住歌煮餸,有時更會玩吓角色扮演,雖然她自稱好無聊,但這正正是新婚甜蜜情趣啦!

Zoie坦言仍在適應新婚生活,但幸好跟老公相處得好開心。

Zoie跟老公莊日宇(Enrico)本打算到外地舉行婚禮,因疫情改為2月在港舉行簡單儀式。

譚凱琪疫情下被迫跟老公留在家,唯有玩玩角色扮演解悶。

Zoie在《降魔的2.0》角色有趣在經常扮醉,但原來她近年對酒精敏感,沒法飲得酒,所以她是憑記憶和觀察朋友來扮醉酒戲,她亦有問老公意見,「我嗰時都問老公好唔好飲啲酒嚟演呢?但係佢叫我千祈唔好,佢知道我飲咗酒唔知我自己做乜。(驚你斷片?)係呀!驚我拍唔到,所以我就打消咗呢個念頭。」

Zoie在《降魔的2.0》飾演「海魔」,造型相當特別。

劇中Zoie要經常扮飲醉酒,原來現實中她對酒精有敏感已很少飲酒。

Zoie在《飛虎之雷霆極戰》中飾演社團大家姐「姜姐」。

生B順其自然

講到新婚生活,Zoie笑言仍在適應人妻身份,至於生B計劃,她坦言在計劃當中,「但幾時真係要問個天啦!依家係順其自然嘅,老公都鍾意小朋友,我諗生一個先,驚湊唔掂呀!」Zoie坦言在疫情下,跟老公多了時間,直言都是一個考驗,「一起身第一個就係見到佢,臨瞓前隔離嗰個又係佢,變咗大家相處時間會多咗,都OK嘅,幾sweet嘅,有時我煮吓嘢食嘅時候哼吓歌,佢又會接住哼番,好似大家一齊唱緊歌咁。」除了煮飯仔時一唱一和,Zoie仲自爆跟老公平日宅在家的無聊玩意,「多咗啲情趣,會做啲無聊嘢,我覺得兩個人相處,最舒服唔使刻意去諗去邊度玩,或者做啲咩刺激嘅嘢,其實兩個人喺屋企,好似唱卡啦OK咁你一句我一句又得,我又會同佢角色扮演,佢會模仿我啲屋企人,我又會模仿吓佢啲屋企人,『你估我依家又變咗邊個』即係呢啲,會搵一啲人嘅特質去模仿,演繹完之後畀對方估。」