*

upload_article_image

麥明詩社交網發文澄清無意重返TVB

最緊要做到自己想做的事。

IG圖片

前港姐冠軍麥明詩上年年尾宣佈與TVB轉簽一年一騷合約,暫停演藝事業,轉職到顧問公司打工。不過,昨天(5日)有傳麥明詩有感現時做打工仔收入大減,所以在導演葉念琛的生日會中,主動向TVB高層樂易玲表示想重返娘家拍劇。

(左起)陸浩明、馮盈盈、麥明詩

雖然麥明詩自上年11月不再做TVB親生女之後,不時於社交網更新分享個人生活,但她已經淡出幕前,專心做打工仔。早前她因工作緣故到台灣公幹,但因疫情而被逼滯留當地。

馮盈盈(左)與麥明詩

麥明詩由參選港姐就因「會考十優」以及於英國劍橋大學法律系畢業而引起觀眾關注,亦令有利她發展演藝事業,不過她卻中途轉行,令人意外。

IG圖片

但是,正當人人以為麥明詩完全轉職做打工仔之際,卻傳出她主動向樂易玲要求重返TVB拍劇,更指主因為她近半年的打工生活令到收入大減,而且工作規律沉悶繁重,不及做藝人般有趣。

麥明詩近日就在社交網澄清,表明不想重返TVB,她留言:「1. 沒有回巢想法,勤力返工嘅冇乜邊個唔辛苦,但係有付出先會有收穫,現時工作充實有意義。2. 想繼續發展而家嘅專業事業,希望大家俾啲空間,盡量唔想影響到公司同埋同事。3. 日日返工係唔會有時間扮靚,連頭髮都冇時間梳,批評打扮冇乜意義。」