*

upload_article_image

上載片鬧爆麥皓兒搶人老公 陳自瑤喺王浩信生日前夕贈興

好肉緊討論劇情。

YoYo露齒甜笑。

今日喺王浩信36歲生日,其38歲妻陳自瑤(YoYo)最近喺新劇《那些我愛過的人》表現備受讚賞,昨晚她喺IG上載劇中,為好姊妹出頭,七情上面鬧爆麥皓兒嘅情節片段,她還加入埋文字嚟強化件事,寫住:「好似你咁賤格嘅呢,我都係第一次見,咁多男人唔鍾意,係要鍾意搶人老公嘅........hashtag#那些我愛過的人#錢莉媛 #方書文#點解呢個世界咁多綠茶婊#激死我#不知廉恥 #baby唔使驚有我保護你@shi_ga」

由於YoYo反應咁入心,唔少網民都八卦追住問她係咪含沙射影?留言「這段話有味兒」、「妳講到身同感受」、「應該現實妳都想講嗰句!」亦有人叫她「順便鬧埋搞你老公嗰啲呀」甚至有人開名追問:「黃定蔡...」當然有好多人大讚YoYo好戲,演繹得淋漓盡致。

凌晨時壽星王浩信上載腹肌相,話係今年給自己的生日禮物,暫未見YoYo有回應。反而到楊潮凱、連詩雅、陳敏之、陳山聰、姚子羚等留言祝福。

另外,她又喺社交平台分享數張着住黑色喱士小背心,俯伏唯美照片,相中她性感地展露香肩,撥弄秀髮,電力四射,身材依然弗到漏;不過,甜笑間就露出鋼牙箍,原來「人妻」愈嚟愈靚,因為箍緊牙。

多年來YoYo同王浩信婚變傳聞不絕,遇一碰頭都貎合神離。

蔡思貝同王浩信傳過假戲真做,兩人有過緋聞。

做咗阿媽嘅陳自瑤仍然好索。

陳自瑤有感而發留言:「每個人的人生都是旅程,只是所走的路徑不同,所選擇的方向不同,所付出的情感不同,而所發生的故事亦不同! #loveyo #自己的人生自己篇(編)寫 #你我也是編劇 #你想要一個怎樣的人生 #選擇決定命運」好友黃翠如留言「Always support」,陳凱琳、姚子羚、沈卓盈等也大讚pretty,還有網民留言說她性感迷人,也有人說欣賞她的堅強。